Buxoroda mahalliy kengashlardagi partiya deputatlik guruhi rahbarlari va ijrochi kotiblari malakasi oshirildi

30.06.2018, 16:38

Buxoroda mahalliy kengashlardagi partiya deputatlik guruhi rahbarlari va ijrochi kotiblari malakasi oshirildi

Avval xabar berganimizdek, O‘zLiDeP Siyosiy Kengashi Ijroiya qo‘mitasi Siyosiy ta’lim markazi tomonidan partiyaning viloyat, tuman va shahar Kengashlari raisining birinchi o‘rinbosarlari,  mahalliy Kengashlardagi partiya  deputatlik guruhi rahbarlari va ijrochi kotiblari malakasini oshirishga qaratilgan o‘quv-seminarlar o‘tkazilib kelinmoqda.

Mazkur o‘quv-seminarning navbatdagisi Buxoro viloyatida tashkil etildi. Seminarda Prezidentimizning Oliy Majlisga Murojaatnomasidan kelib chiquvchi partiya hududiy kengashlari xodimlari oldida turgan dolzarb vazifalar, shuningdek, “Faol tadbirkorlik, innovatsion g‘oyalar va texnologiyalarni qo‘llab-quvvatlash yili” Davlat dasturida belgilangan vazifalar ijrosini ta’minlash borasida partiya viloyat Kengashi tomonidan olib borilayotgan say’-harakatlar haqida so‘z yuritildi.  

– Seminar davomida 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasidan kelib chiqadigan partiyaviy vazifalar xususida ham batafsil fikr almashildi, – deydi O‘zLiDeP Siyosiy Kengashi Ijroiya qo‘mitasi deputatlik guruhlari  bilan ishlash bo‘limi mudiri  Barno Abdullayeva. - Mahalliy Kengashlardagi partiya deputatlik guruhlari endilikda o‘z faoliyatlarini Harakatlar strategiyasidagi eng muhim vazifalardan kelib chiqqan holda tashkil etishi zarur.  Ushbu muhim xujjatda  davlatimiz rahbari tomonidan ilgari surilgan dolzarb vazifalar bevosita O‘zLiDeP faollariga ham to‘la taaluqlidir. Strategiyada belgilab berilgan aniq, hayotiy islohotlar hamda  ularni amalga oshirish mexanizmlarining ilmiy-nazariy asoslariga bag‘ishlangan ma’ruzalarning  ishtirokchilar diqqat–e’tiboriga havola etilganligi ham  kelgusida ularning talab darajasida faoliyat olib borishlarida muhim ahamiyat kasb etadi.

O‘quv davomida “Siyosiy partiyalar to‘g‘risida”, “Xalq deputatlari viloyat, tuman va shahar Kengashi deputatining maqomi to‘g‘risida” va “Mahalliy davlat hokimiyati to‘g‘risida”gi qonunlar mazmun-mohiyati kengroq tushuntirib berildi. Shuningdek, partiya viloyat Kengashidagi deputatlik guruhlariga mahalliy ijro etuvchi hokimiyat organlari ishi ustidan ta’sirchan deputatlik nazoratini o‘rnatish yuzasidan zarur tavsiyalar berildi. Qolaversa, siyosiy partiyalar tizimida faoliyat olib borayotgan xodimlarning jamiyatdagi mavqeini oshirish, bilim va salohiyatini yanada boyitish, ularning jamoatchilik ishlarida tashabbuskorligini kuchaytirishga qaratilgan ishlar ko‘lamini yanada kengaytirishga kelishib olindi.

Seminar ishtirokchilari Buxoro davlat universiteti turizm fakulteti KOICA tadqiqotlar markazi  ko‘ngilli o‘qituvchisi, koreyalik Hichun Kang bilan bevosita muloqotda bo‘lib, Buxoroda turizm sohasini yanada rivojlantirish borasida ko‘plab taklif va fikr-mulohazalar bildirildi. 

                                                        O‘zLiDeP  Buxoro  viloyat Kengashi

 Matbuot xizmati

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

Teglar
STM
  • Ko'rildi
    1267
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Усмонов Сардор2018-07-06 09:34:06

Ушбу ўқувлар биз ижрочи котибларни сиёсий онгимизни ошишига хизмат қилмоқда.


М.Мавлянов -Когон туман депутати2018-07-05 14:53:08

Ёшларни муаммосини урганиш ва уларни бартараф килиш, уларни тадбиркорлик йуалишларига жалб килиш максадида Когон туманида хар бир хонадонда ёшлар урганилмокда.


Асхор Истамов - журналист, Бухоро вилояти2018-07-03 16:19:55

Ммамлакатимиздаги етакчи сиёсий тузилма - Ўзбекистон Либерал-демократик партияси томонидан партия электорати манфаатларини тўлиқроқ қўллаб-қувватловчи истиқболли лойиҳалар, айниқса, маҳаллий Кенгашлардаги ЎзЛиДеП депутатлик гуруҳлари фаолиятини такомиллаштиришга қаратилган ўқув-семинарларини ўтказишга алоҳида эътибор қаратиб келинаётганлиги бежиз эмас. Бундай уқувлардан кўзда тутилган асосий мақсад, ҳудудларни ижтимоий-иқтисодий ривожлантиришда тўсқинлик қилаётган мавжуд муаммоларни депутатлик назорати орқали ҳал этишга кўмаклашишдан иборатдир. Маҳаллий депутатлар, шунингдек, халқ депутатлари маҳаллий кенгашлардаги ижрочи котиблар фаолиятини давр талаблари даражасига кўтаришга хизмат қиладиган ўқув-семинарларининг келгусида барча ҳудудлар миқиёсида ўтказилиши давлатимиз раҳбарининг сиёсий партиялар фаолиятини янада яхшилаш билан боғлиқ дастурий кўрсатмаларига амалий жавоб бўлиши турган гап.


З.Аслонова, Бухоро вилоят Кенгаши Сиёсий таълим маркази раҳбари 2018-07-03 16:08:17

- Бундай ўқув – семинарларни вилоятимизнинг барча шаҳар ва туманларида ўтказиш режалаштирилган.Келгусида туман ва шаҳар партия Кенгашларининг жамоатчилик асосидаги раислари ва уларнинг ўринбосарлари, маҳаллий Кенгаш депутатлри ва БПТлар раисларининг малакасини ошириш ҳамда қайта тайёрлаш бўйича ўқув-курсларининг вилоятимиз миқиёсида ташкил этилиши партиявий фаолиятда ўз кутилган натижасини бериши турган гап. Асосий мақсадимиз –ЎзЛиДеП нинг дастурий мақсад ва вазифаларини ҳаётга тадбиқ этишда партиямиз фаолларининг ишчанлиги ва сиёсий етуклигини янада оширишдан иборатдир.


Мавжуда Рашидова-O'zLiDeP Бухоро вилоят кенгаши бўлим мудири2018-07-02 19:46:49

Ушбу ўқув-семинарга пухта тайёрландик. Аппарат ходимлари, ижрочи котиблар, депутатлик гуруҳлари раҳбарлари ва депутатлар иштирок этган ўқув курсларида ҳам амалий, ҳам назарий билимлар берилди. Гуруҳларда ишлаш жараёнида ҳар бир иштирокчига ўзини кўрсатишга имкон берилди. Уйлайманки барча бу семинардан ўзи учун жуда катта дарс олди. Тадбир жараёнида иштирокчилардан кўплаб таклифлар тушди, биз улар устида албатта ишлаймиз.


Холмат Тўраев Жиззах вилояти2018-07-02 16:58:16

Бу каби ўқув семинарларни ўтказиш давр талаби. Шиддат билан ўзгараётган, Сиёсий фаоллик талаб этилаётган замонда ўқувлар ташкил этиб, ўзъаро фикр алмашинишимиз зарур.


Усмонов Рустам Ҳазратович- O’zLiDeP Деҳқонобод туман Кенгаши раисининг Ташкилий-партиявий ишлари бўйича ўринбосари2018-07-02 16:54:59

Ҳудудларда Сиёсий Кенгаш Ижроия қўмитаси томонидан ўтказилаётган мазкур ўқув- семинарлар том маънода депутатларимизнинг билим ва кўникмаларини ошишига, функцианал вазифаларининг иянада такомиллашувига самарали ҳизмат қилмоқда.


М.Мавлянов -Когон туман депутати2018-07-02 15:45:06

Бугунги кунда усиб келаётган ёшларни тарбиялаш канчалик мураккаб булмасин, хар биримиз улар учун масъулмиз. Виждони бор, Мухтарам Президентимиз айтганларидек ўзини кийнайдиган хар бир рахбар ушбу масалага бефарк булмайди деб уйлайман.


М.Мавлянов -Когон туман депутати2018-07-02 15:45:06

Бугунги кунда усиб келаётган ёшларни тарбиялаш канчалик мураккаб булмасин, хар биримиз улар учун масъулмиз. Виждони бор, Мухтарам Президентимиз айтганларидек ўзини кийнайдиган хар бир рахбар ушбу масалага бефарк булмайди деб уйлайман.


М.Мавлянов -Когон туман депутати2018-07-02 15:45:06

Бугунги кунда усиб келаётган ёшларни тарбиялаш канчалик мураккаб булмасин, хар биримиз улар учун масъулмиз. Виждони бор, Мухтарам Президентимиз айтганларидек ўзини кийнайдиган хар бир рахбар ушбу масалага бефарк булмайди деб уйлайман.


Fikringizni qoldiring

+