Deputatlarimiz qancha mas’uliyatli, faol, tashabbuskor va jonkuyar bo‘lsa, ko‘zlangan maqsadlarga erishamiz
02.07.2018, 17:36
Joriy yilning 29 iyun kuni Prezidentimiz Shavkat Mirziyoyev Toshkent shahri Olmazor tumaniga tashrif buyurdi. Tashrif davomida tumanning yangi markazi – “Olmazor city”ni barpo etish loyihasi taqdimoti o‘tkazildi. Davlatimiz rahbari loyiha taklifini ma’qulladi.
Muhtaram Prezidentimiz o‘tgan yili Olmazor tumanida bo‘lganida Toshkent o‘yinchoqlari fabrikasi negizida yangi loyihalarni amalga oshirish bo‘yicha aniq topshiriqlar bergan edi. Davlatimiz rahbari ushbu fabrikaga ham tashrif buyurib, bajarilgan ishlarni ham ko‘zdan kechirdi.
Ta’kidlash joiz, bu yerda “NBU Investment” mas’uliyati cheklangan jamiyati tomonidan tashabbuskor-investorlar bilan birgalikda 5 ta loyiha amalga oshirilmoqda. “Toys City”, “O`yinchoqlar Fabrikasi”, “Funny Kids World”, “National Products” va “United Nation company” kabi mazkur korxonalarda bolalar uchun kiyim-kechaklar, turli buyumlar va o‘yinchoqlar ishlab chiqariladi. Ularda jami 920 dan ortiq ish o‘rni yaratiladi.
Shuningdek, Prezidentimiz O‘zbekiston karlar jamiyatining Kar-soqovlar madaniyat markazini borib ko‘rdi. Jamiyat a’zolari bilan muloqot qilib, ularning dardu tashvishlari, sohadagi kamchiliklarni so‘radi. Kar-soqov bolalarni o‘qituvchi mutaxassislar va surdotarjimonlar tayyorlash masalasiga e’tibor qaratdi.
Davlatimiz rahbarining 2018 yil 11 iyundagi “Aholining ijtimoiy zaif qatlami bandligini ta’minlashni rag‘batlantirishning tashkiliy chora-tadbirlari to‘g‘risida”gi qaroriga asosan O‘zbekiston karlar jamiyati hududida tashkil etilgan tikuvchilik korxonasi faoliyati bilan tanishdi.
Muloqot chog‘ida Prezidentimiz ushbu korxonada mehnat qilayotgan tikuvchi ayollar bilan suhbatlashdi. Nogironligi bo‘lgan shaxslar uchun ish joylari tashkil etishga alohida e’tibor qaratilishini ta’kidladi.
Prezidentimizning Olmazor tumanidagi tashrifi davomida berilgan topshiriqlarni mas’uliyat bilan bajarish O‘zLiDeP hududiy Kengashlari va Xalq deputatlari Toshkent shahar Kengashidagi partiya deputatlik guruhlari zimmasiga ham ulkan mas’uliyat yuklaydi. Deputatlarimiz qanchalik mas’uliyatli, faol, tashabbuskor va jonkuyar bo‘lsa, ko‘zlangan maqsadlarga erishamiz. Shunday ekan har bir deputat o‘zi saylangan xududini ijtimoiy-iqtisodiy rivojlantirish, partiya elektorati bo‘lgan tadbirkorlar manfaatlarini himoya qilishda mas’uliyat bilan ish olib borishi lozim bo‘ladi. Shuningdek, joylardagi aniqlangan muammolarning yechimini topish, mansabdor shaxslar hisobotini eshitish, mahalliy budjetini shakllantirish va ijrosini ta’minlash, joylarda qulay investitsiya va tadbirkorlik muhitini yaratish va boshqa dolzarb masalalar ustidan nazorat o‘rnatish ishlarida faollik ko‘rsatishi lozim.
To‘rabek NAZAROV
O‘zLiDeP Toshkent shahar
Kengashi raisi
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Fikringizni qoldiring
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Bildirilgan fikrlar
О.Азимов Халқ депутатлари Когон туман Кенгаши депутати2018-07-09 10:23:04
Депутат бу ижроия органи билан халқ орасидаги кўприқ сифатида халқ муаммоларини эшитиб жойда ижроия органлари билан (МФЙ,хокимият) ечиб боради.Шундай экан энди халқ хизматини бажариб эл эътиборига тушган депутатгина келажак сайловларга кайта сайланади деб биламан.
Р. Р. Кодиров - ЎзЛиДеП Қоровулбозор туман Кенгаши аппарат раҳбари2018-07-06 15:03:58
Ҳурматли Президентимиз Шавкат Миромонович томонларидан белгилаб берилаётган вазифалар жуда муҳим бўлиб, уларнинг ижросини таъминлаш учун партиямизнинг ҳар бир ходимидан ҳам тизимли ёндашув ва касбий масъулият талаб этилади. Ҳар биримиз муҳтарам Президентимизга кўмак берган ҳолда Республикамиз келажаги учун амалий иш олиб боришимиз керак!
Yazdon Toshonov O'zLiDeP Kattaqurg'on tuman Kengashi raisining birinchi o'rinbosari ,apparat rahbari.2018-07-04 23:53:33
Prezidentimizning joylarga tashriflari davomida,bizning elektoratimiz bo'lgan tadbirkor va fermerlar bilan uchrashib ularni qiynayotgan muammolar bilan tanishib ana shu muammolarni echimini joyida hal qilib berayotganliklari biz partiya xodimlarin U kishidan o'rnak olib ishlashga ilhomlantiradi.
Холмурод Сориев, Халқ депутатлари Нуробод туман Кенгашидаги O'zLiDeP депутатлик гуруҳи раҳбари2018-07-03 21:37:42
Агар депутат халқнинг ичига чуқур кириб борса, ўз ҳудудидаги ҳар бир сайловчи билан ўзаро ишончли мулоқот ўрната олса, улар муаммосини, дардини янада чуқурроқ англаб етади ва муаммолар ечими бўйича ўз ваколати доирасида ҳаракат қилиши лозим. Шундагина депутатнинг сайловчилар олдида ҳурмати пайдо бўлади ва ўз навбатида партиянинг нуфузининг ошишига олиб келади.
Вохидова Азиза Хасановна Навоий вилояти"Кармана туман Фермерлар кенгаши" номли БПТ раиси 2018-07-03 12:50:20
Мухтарам Президентимиз Шавкат Мирзиёевнинг Тошкент шаҳри Олмазор туманига ташрифлари давомида туманнинг янги маркази – “Olmazor city”ни барпо этиш лойиҳаси тақдимоти билан танишдилар ва тегишли таклиф ва тавсиялар билдирдилар.Юртбошимизнинг оқилона олиб бораётган сиёсатларидан мамнун бўлиб халқимиз фаровонлиги учун биз партия фаоллари хам фидоий, жонкуяр бўлиб бир ёқадан бош чиқаришимиз лозим.O'zLiDeP бирлашишдан мақсадимиз хам шудир аслида.
Раъно Ходжимухаммедова - O'zLiDeP Олмазор туман Кенгаши раиси, Халқ депутатлари Олмазор туман Кенгашидаги партия депутатлик гуруҳи раҳбари2018-07-03 12:12:30
Ҳурматли Президентимиз Шавкат Миромонович Мирзиёев Олмазор туманига ташрифлари давомида берилган топшириқларни масъулият билан бажаришда партия туман Кенгаши ва Халқ депутатлари Олмазор туман Кенгашидаги партия депутатлик гуруҳи зиммасига ҳам улкан масъулият юклайди. Партия фаолларимиз ҳамда депутатларимиз қанчалик масъулиятли, фидоий, жонкуяр ва ташаббускор бўлсалар аниқ натижага эришамиз.
Дурдона Раҳматуллаева-O'zLiDeP Тошкент шаҳар Олмазор туман Кенгашидаги БПТ раиси2018-07-03 11:52:09
Жорий йилнинг 29 июнь куни Президентимиз Шавкат Мирзиёев Тошкент шаҳри Олмазор туманига ташрифлари давомида туманнинг янги маркази – “Olmazor city”ни барпо этиш лойиҳаси тақдимоти билан танишдилар ва тегишли таклиф ва тавсиялар билдирдилар. Юқоридаги фикрлардан келиб чиққан ҳолда партия фаоли, БПТ раиси сифатида жонкуяр бўлиб иш олиб боришимиз зарур деб ҳисоблайман.
Нигманова Мияссар-O'zLiDeP Олмазор туман Кенгашидаги БПТ раиси2018-07-03 11:44:23
Президентимиз Шавкат Мирзиёевнинг Олмазор туманига ташрифлари Олмазор туманини янада обод бўлишига замин яратди. Юртбошимизнинг ташрифлари чоғида Олмазор туманидаги тадбиркорлик субъектлари вакиллари ва фаоллари билан учрашиб уларни фикрларни эшитдилар ва тегишли таклиф ва тавсияларни билдирдилар. Юрт равнақи, халқ фаровонлиги учун биз партия фаоллари фидоий бўлиб биринчилар қаторида бўлишимиз зарур.
Кадиров Жасурбек - O'zLiDeP Олмазор туман Кенгаши раисининг биринчи ўринбосари-аппарат раҳбари2018-07-03 11:31:11
Ҳурматли Юртбошимиз Шавкат Миромоновични Олмазор туманига ташрифлари давомида берилган топшириқлари ва таклиф-тавсияларини масъулият билан бажариш учун барчамиз масъулмиз. Мамлакатимиз равнақи ҳамда халқимиз фаровонлиги учун биринчилар қаторида масъулият билан иш олиб боришимиз керак.
Улуғбек Ишанходжаев - O'zLiDeP Тошкент шаҳар Кенгаши аппарати бўлим мудири2018-07-03 10:28:44
Президентимизнинг Олмазор туманидаги ташрифи давомида берилган топшириқларни масъулият билан бажариш учун ҳаммамиз масъулмиз. Юрт равнақи, халқ фаровонлиги учун биз партия фаоллари фидоий, жонкуяр бўлиб биринчилар қаторида бўлишимиз зарур.