O‘zLiDeP sayyor qabulidan so‘ng urganchlik tadbirkor Zamira Sa’dullayevaga qurilish materiallari ishlab chiqarish uchun yer maydoni ajratildi

02.07.2018, 17:56

O‘zLiDeP sayyor qabulidan so‘ng urganchlik tadbirkor Zamira Sa’dullayevaga qurilish materiallari ishlab chiqarish uchun yer maydoni ajratildi

O‘zLiDeP Urganch shahar kengashi “Sahovat” mahalla fuqarolar yig‘inida sayyor qabul o‘tkazdi.  

Sayyor qabulda hududda istiqomat qiluvchi fuqarolar tomonidan mahalladagi 96-sonli maktab internatida qish mavsumlarida gaz bosimining pasayib ketishi, yo‘llarni kapital ta’mirlash, elektr tokining tez-tez o‘chishi, bolalarni maktabgacha ta’lim muassasasiga joylash va boshqa masalalar bo‘yicha 10 dan ortiq murojaatlar kelib tushdi.

Uchrashuvlar davomida hudud ahli nomidan so‘z olgan Qadamboy Yusupov “Pardov” va “Mustaqillik” ko‘chalarida tungi yoritish chiroqlari ishlamasligi aholining tungi vaqtlarda harakatlanishiga noqulaylik tug‘dirayotganini aytdi. Uning murojaatini xalq deputatlari shahar kengashidagi partiya deputatlik guruhi a’zosi N.Qo‘shchanova o‘z zimmasiga olib, shahar Obodonlashtirish bo‘limiga deputatlik so‘rovi yuborish orqali muammoni ijobiy hal etib berishini ma’lum qildi.

Shuningdek, fuqarolar tomonidan nuroniy otaxon va onaxonlarni  yangi pasport olishi uchun pasport bo‘limiga olib bormasdan, ularning uyiga borib suratga olish tizimini yo‘lga qo‘yish borasida ham murojaat kelib tushdi.  

Mazkur masala yuzasidan IIB Urganch shahar pasport bo‘limi xodimi Sardor Sapayev bu muammo hozirgi kunda o‘rganilayotganini va albatta qariyalarning uyiga borib pasport berish bo‘yicha ishlar boshlab yuborilganini ma’lum qildi.   

Shuningdek, Samarqand ko‘chasida yashovchi Odilbek Xasanov nabiralarini MTMga joylashtirish bo‘yicha Davlat xizmatlari agentligi tomonidan yo‘llanma berilganligiga qaramay, bog‘cha mudirasi bo‘sh o‘rin yo‘qligini aytib, uning nabirasini qabul qilmagani borasida o‘z e’tirozini bildirdi. Uning murojaati shu yerning o‘zida xalq deputatlari shahar kengashidagi  partiya deputatlik guruhi a’zolari tomonidan nazoratga olindi.

Ta’kidlash kerak, bugun partiya hududiy kengashlari tomonidan tashkil etilayotgan sayyor qabullar davomida fuqarolardan kelib tushgan murojaatlarning hech biri e’tibordan chetda qolayotgani yo‘q. Misol uchun, o‘tgan sayyor qabulda Urganch shahridagi oilaviy tadbirkor Zamira Sa’dullayevaning qurilish materiallari ishlab chiqarish uchun yer maydoni olishda amaliy yordam so‘rab qilgan murojaati ijobiy hal etilib, tadbirkorga yer maydoni ajratib berildi.

Qudrat BEKMETOV,

O‘zLiDeP Xorazm viloyat Kengashi

Jismoniy va yuridik shaxslarning

murojaatlari bilan ishlash bo‘limi mudiri

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

Teglar
Sayyor qabul
  • Ko'rildi
    1100
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Акбар Якубов, Жиззах вилояти2018-07-03 17:12:23

Сайёр қабуллар ўз натижасини бермоқда. Шу каби тадбирларни жойларда кўпроқ ташкил этиш лозим.


Вохидова Азиза Хасановна Навоий вилояти"Кармана туман Фермерлар кенгаши" номли БПТ раиси 2018-07-03 12:29:05

Партиямиз тамонидан ўтказилаётган саёр кабуллар чинакамига халқимизнинг муаммоларига вақтида жавоб топиб ижобий хал этилишига замин яратмоқда.Сайёр қабулларда саломатлик,Бозорлар,сув,Электр,газ,йўллар,таълим муассасалари,мактаб,боғлар,умумий яшаш жойларидаги ва бошқа кўплаб муаммолар тегишли мутасадди ташкилотлар томонидан эшитилмоқда ва муаммолар ўз вақтида бартараф этилмоқда.Бу албатта халқимизнинг турмуш тарзини яхшиланишида хизмат қилади.Она ватанимиз бетакрор ва кўхна шу заминда туғилганимиз бизни ғуруримиз уни хар қарич тупроғида нихол ундириб уни асраб авайлаб бирдам бўлиб яшаш эса хар биримизнинг бурчимиздир аслида.


Матлуба Жўраева Сурхондарё вилоят Кенгаши "Аёллар қаноти" бўлим мудири 2018-07-03 11:18:11

Сайёр қабулларда хал этилаётган муаммолар ахолини турмуш тарзини яхшилашга хизмат қилади.


Баҳром Абдалов БПТ раиси ўринбосари2018-07-03 10:59:46

Ўзим хам айнан шу махаллада истиқомат қиламан. Махалламизда электр энергияси ўчирилиши кейинги пайтда жуда кўп кузатилаяпти. Шу масалада депутатимиз кўмак берсалар айни муддао бўлар эди.


Сергели тумани БПТ раиси Д.Пардаева 2018-07-03 10:30:16

Юртимизда ўзгаришларни кўриб кўзинг қувонади. Юртимизда яшаётган инсонларнинг ҳам яшаш турмуш тарзи ўзгариб бормоқда. Бунда O‘zLiDeP ташаббуси билан ўтказилаётган кўплаб тадбир ва сайёр қабуллар таъсири катта.


Сергели тумани фаоли Исроилова Интизор2018-07-03 10:26:52

O‘zLiDeP ташаббуси билан сайёр қабуллар ташкил қилиниб, кўплаб инсонларни муаммоларига ечим топилмоқда. O‘zLiDePсига ва депутатларига омад тилайман.


Л.Ешбаева- O‘zLiDeP Қонликўл туман Кенгаши депутати2018-07-03 09:51:09

Мурожаатлар-яшаш тарзини яхшилашга бўлган интилишдир. Халқни қийнаятган муаммоларини ўрганиш, ўларнинг ечимини топишда партиямиз депутатлари томанидан ўтказилаётган сайёр учрашувлар, аҳолининг яшаш тарзини яхшиланишига бугунги кунидан рози бўлиб яшашига хизмат қилмоқда.


Шамшод Жафаров 2018-07-03 09:47:30

Ҳозирги пайтда юртимизнинг барча вилоят, туманлар миқёсида ўзгаришлар юқори савияда олиб бюорилмоқда.Бу харакатларда O‘zLiDeP хам тенг миқдорда масъулият билан ёндашаётгани бизни рухлантиради.


Рахманова Гульнара УзЛиДеП Тахтакупир туман Кенгаши ижрочи котиб2018-07-03 08:47:08

Партиямиз тамонидан утказилаетган саёр каъбуллар бу хакикатдан хам халкимизнинг огирини енгил килишда яъни уйлантириб юрган барча масалалари ва муоммаларини айтиб, катнашаетган тегишли мутассади корхоналар рахбарлари билан сухбатлашиб уларнинг ички имкониятларидан келиб чикиб айтилган муоммаларнинг канча вактда бажарилиши буйича тулик маълумотларга эга булади. Бу уринда албатта депутатларимиз фаоллашади. Шунинг учун хам таер каъбуллар купрок утказилса максадга мувофик буларди


Дилшод Турсунбоев ЎзЛиДеП Жиззах вилоят Кенгаши2018-07-02 18:21:22

Бу каби сайёр қабуллар натижасида халқимизнинг фаровон ҳаёт кечиришларида ўз хиссасини қўшиб келмоқда десак муболаға бўлмайди албатта.


Fikringizni qoldiring

+