O‘zLiDeP 42 yosh ixtirochiga stipendiya beradi (FOTO)
04.07.2018, 17:37
O‘zLiDeP Oliy va o‘rta maxsus ta’lim vazirligining Kasb-hunar ta’limi markazi bilan hamkorlikda kasb-hunar kollejlari o‘quvchilari o‘rtasida “Yosh innovatsiyachi” ko‘rik tanlovini o‘tkazdi.
Ko‘rik-tanlov bugun mamlakatimizda yoshlarga yaratilayotgan keng imkoniyatlar tufayli yurtimizda yuzlab iqtidorli yoshlar o‘z salohiyatini namoyon etayotganligini yaqqol ko‘rsatdi.
Tanlov birinchi marotaba tashkil etilayotgan bo‘lsa-da, yoshlar o‘rtasida juda katta qiziqish uyg‘otdi. Chunki mazkur tanlov qiziquvchan va intiluvchan ixtirochi-ijodkor yoshlarni qo‘llab-quvvatlovchi eng birinchi tanlovlardan biridir. Ishtirokchilar ishlab chiqarish va servis, turizm, qishloq xo‘jaligi sohalarini rivojlantirish borasida ishlab chiqqan innovatsion loyihalari bilan qatnashishdi. Tanlovning tuman, shahar va viloyat bosqichida qariyb 600 nafarga yaqin yigit-qiz o‘z ixtirolari va ishlanmalarini namoyish etdi.
“Yosh innovatsiyachi” ko‘rik-tanlovining Respublika bosqichida Qoraqalpog‘iston Respublikasi, viloyatlar va Toshkent shahri bosqichida g‘oliblikni qo‘lga kiritgan yosh ixtirochi ishtirok etishdi.
Ko‘rik tanovning uchinchi kuni yosh innovatsiyachilar Innovatsion rivojlanish vazirligi huzuridagi Ilg‘or texnologiyalar markazi, Turin Politexnika universitetidagi zamonaviy texnika va texnologiya vositalari markazi kabi innovatsion markazlar faoliyati bilan ham tanishishdi.
Ushbu Markaz xodimlari tomonidan yosh innovatsiyachilarga mamlakatimiz iqtisodiyotida innovatsion ishlanmalarning o‘rni, bu borada markazning oldida turgan asosiy vazifalar to‘g‘risida hikoya qilib berildi. Zamonaviy tadqiqot uskunalari bilan jihozlangan markaz mamlakatning turli burchaklaridan kelgan yosh innovatsiyachilarda juda katta taassurot qoldirdi.
Turin politexnika universitetida tashkil etilgan zamonaviy texnika va texnologiya vositalari yosh innovatsiyachilarga atroflicha tanishtirildi.
Shu yerning o‘zida tanlov g‘oliblariga mukofotlar topshirildi. Aytib o‘tish kerakki, ushbu tanlovning 42 ta eng faol ishtirokichisi O‘zLiDePning bir yil davomida berib boriladigan maxsus stipendiyalari egalari bo‘ldilar.
Shu kunning o‘zida tanlov g‘oliblari O‘zbekiston Fanlar akademiyasi Prezidiumida mamlakatmizning ko‘zga ko‘ringan olimlari, O‘zbekiston Fanlar akademiyasi akademiklari bilan uchrashuvi bo‘lib o‘tdi.
Albatta, yosh ixtirochilar uchun bu bir umrga esda qoluvchi uchrashuv bo‘lib qolishi shubxasiz. Unda yosh innovatsiyachilar mamlakatimizda ilm-fanga yaratilayotgan keng imkoniyatlar barobarida o‘z faoliyatlarini yanada rivojlantirish borasida bevosita akademiklardan yo‘nalishlar, qimmatli maslahatlar olishdi.
Ushbu tanlov, uning doirasida bo‘lib o‘tgan tadbirlar va uchrashuvlar yosh innovatsiyachilarga yana bir bor O‘zbekistonda fanga, ilmga, yaratuvchanlikka bo‘lgan intilish qanchalik qadrlanishini, qolaversa o‘z salohiyatini shu yo‘nalishda ishlatishga intilgan har bir yoshga o‘z salohiyatini ochish uchun barcha imkoniyatlar yaratib berilishini ko‘rsatdi. Ularda o‘z salohiyatiga, o‘z kelajagiga ishonch ruhini yanada qaror topishiga xizmat qildi.
Eng muhimi tadbir yakunida O‘zLiDeP Oliy va o‘rta maxsus ta’lim vazirligining Kasb-hunar ta’limi markazi bilan hamkorlikda bunday tanlovlarni doimiy o‘tkazib borishni, qolaversa “Innovatsion g‘oyalar bankini” yuritishni rejalashtirganligi aytib o‘tildi. Maqsad bunday tanlovlarda kashf etilayotgan har bir yosh innovatsiyachi va uning kashfiyotini keyingi taqdirini bevosita kuzatib borish va zarur bo‘lsa tegishli moliyaviy, tashkiliy ko‘mak ko‘rsatgan holda ularning hayotga joriy etishini ta’minlashdan iboratdir.
O‘zLiDeP matbuot xizmati
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Fikringizni qoldiring
O'xshash yangiliklar
-
Talaba-yoshlarning partiya loyihalariga qiziqishi ortmoqda
09.04.2024, 19:25
-
Nukuslik yoshlarning moliyaviy savodxonligi oshirildi
31.03.2024, 09:59
-
Yoshlarning moliyaviy savodxonligi oshirildi
16.03.2024, 14:44
-
Deputat talabalarning ta’lim va ish bilan bandlik yo‘nalishidagi muammolari bilan qiziqdi
07.03.2024, 10:56
-
Maktab bitiruvchilari yoshlar kichik sanoat zonasi faoliyati bilan tanishdi
01.03.2024, 22:13
Bildirilgan fikrlar
Зулфия Кодирова2018-07-23 12:37:33
O'zLiDePнинг ташуббуси билан утказилган "Ёш инновациячи" кўрик-танловида фарзандим Абдувоитов Мухаммадкодир катнашиб 2-урин дипломини олди, ташкилотчиларининг барчасига рахмат. Ёшларни иктидори ва истедодини курсатишга имкон яратиб бердилар. Бу танлов ёшларни жамиятимиз ривожига янада юкори хисса кушишларига ундади
Муқаддас БЕКНАЗАРОВА – Халқ депутатлари Амударё туман Кенгаши 10-Тошёп сайлов округи депутати, Тадбиркорлар ва ишбилармонлар ҳаракати O`zLiDeP Амударё туман Кенгаши раисининг биринчи ўринбосари.2018-07-09 10:37:13
Юқорида билдирилган илиқ сўзлар ва норозилик билдирилган фикрлар билан танишиб чиқдим. "Ёш инновациячи" кўрик-танловининг татбиқ қилиниши айни муддао бўлди десам муболаға бўлмайди, албатта. Ҳар бир бошлаётган ишимизнинг қаеридадир барибир камчиликсиз бўлмайди. Афсуски, бу танловдаям ўзига яраша камчиликларимиз йўқ эмас. масалан: аввалом бор, ҳакамлар ҳайъатида соғлом муҳит бўлиши керак, фидойи мутахассислар, адолат пешволарини жалб қилиш лозим, кейин вилоят ва республика босқичида ҳар бир йўналишга шу соҳанинг жонкуяр мутахассисларини жалб қилиш лозим, ва албатта, ёшларимизнинг руҳиятини кўтаришниям унутмаслигимиз шарт. Тақдимот жараёнида ёшларимизнинг тақдимотини бўлмасдан, "инновациясини айтинг фақат" демасдан уларнинг фикрларини охиригача тинглашимиз лозимлигини унутиб қўйяпти баъзи мутассаддилар. Бу танловнинг ҳаётга тадбиқ қилиниши анчагина ёшларимизнинг кўзларида умид учқуни порлади. Янги марраларни забт этишда уларга чнги куч бағишлади. Партиямизнинг бу танлови сўзга чечан бўлмасада лекин бу ёшларимизнинг ақлидаги тафаккур қирраларининг юзага қалқиб чиқишида анча замин ярата олди деб ўйлайман. Фақат шу йил бўйи тайинланадиган стипендияни туманлардаям ўрин олганлар учун ҳеч бўлмаганда ютуқ сифатида бир марталик мукофот пули миқдорида белгиланса, уларни маънавий ва моддий томондан рағбатлантириш мумкин бўлади. Уларнинг бу танловда иштирокиям бесамар эмаслигининг яққол исботи бўларди. Танловнинг ғолиб Ёш инновациячиларини ва Қорақалпоқ элидан Николайни ютуқлари билан самимий табриклайман, кейинги ижодий ишларида янгидан янги ИННОВАЦИЯЛАР яратишларини тилаб қоламан!
Ruhangiz2018-07-06 07:37:43
Assalom-u Alaykum hurmatli uzlidep.uz saytini kuzatib boruvchilar . Men ushbu ko'rik tanlovning natijalaridan juda ham noroziman . Ushbu tanlovda qatnashgan eng yosh ishtirokchi 15 yoshlik Samarqand shahar Temir yol kasb-hunar kolleji o'quvchisi Qosimov Damirxon o'zining quyosh batareyasida harakatlanuvchi yer yuzidan 5 meter balandlikda yuruvchi osma poyezdi bilan qatnashdi . Ushbu loyha mening nazarimda eng yaxshi nafaqat 1chi balkim oliy o'ringa munosib edi bu poezd o'zining zamonaviyligi bilan Vatinimizni dunyo pog'onasiga yana bir qadam baland chiqishiga va davlatimizni kundan kunga rivojlanayotganiga isbot bo'lib bera oladi. Ammo negadir shunday iqtidor sohibiga 3-o'rin berish bilan cheklanib qolishdi. Agar biz shunday iqtidorlik yosh avlodni yuksalishiga to'sqinlik qilsak iqdorlik kashfiyotchilarni o'ziga munosib ravishda taqdirlamasak kelajagimiz nima bo'ladi ularda yana kashfiyot qilishga bo'lgan intilishlari so'nmasmikan ? Sizdan ushbu tanlov natijalarini yana bir bora qaytadan obdon ko'rib chiqishingizni so'rayman.
Ботирали Турдиев Қамаши туман Кенгаши ижрочи котиби2018-07-05 17:18:24
Ғолиблар ва Қатнашчиларга бир йил давомида махсус стипендиялар бериб борилиши иқтидорли ёшларимизни моддий томондан ҳам қўллаб-қувватланаётганлигидан дарак беради. Буларнинг ҳаммаси Президентимизнинг инновациялар соҳасидаги сиёсатинининг амалдаги тадбиғидир.
Азиз Хакимов. O'zLiDeP Бухоро вилоят Кенгаши ёшлар билан ишлаш бўлими мудири2018-07-05 16:07:52
Кўрик-танловнинг Республика босқичида иштирок этган ёшлар ўзларининг инноватрлик ғоя ва ишланмалари, бу мамлакатимиз тараққиёти ва юрт фаровонлиги учун хизмат қилиши катта ахамият касб этади. Эндиликда бу каби лойихаларни ва ишланмаларни қўллаб-қувватлашда партиямиз томонидан танлов ғолибларига махсус стипендиялар берилиши уларнинг бунданда катта марраларни забт этишда бир дебоча вазифасини бажаради. Республика босқичи ғолибаларини табриклаймиз.
Гульсара2018-07-05 15:11:12
Бирни ку́риб фикр кил, бирни ку́риб шукр кил дейишади. Сизни такдирлашингизни ку́риб Сизга Рахмат деймиз. Афсуски ватанимизда канча-канча одамлар вактида ойлик ололмасада иш фаолиятини давом эттириб юрган экан. Масалан, "Бунёдкор" стадиони ишчилари. Ватанимиз одамлари нимага шунака вазиятга тушиб колишаяпти?
Ш. Хўжаназаров O`zLiDeP Шеробод туман Кенгаши аппарат рахбари 2018-07-05 15:03:31
Мамлакатимизда фанга, илмга, яратувчанликка бўлган интилиш қанчалик қадрланишини, қолаверса ўз салоҳиятини шу йўналишда ишлатишга интилган ҳар бир ёшга ўз салоҳиятини очиш учун барча имкониятлар яратиб берилишини кўрсатди. Уларда ўз салоҳиятига, ўз келажагига ишонч руҳини янада қарор топишига хизмат қилди.
Акбар Якубов, Жиззах вилояти2018-07-05 14:55:21
O'zLiDePнинг ташуббуси билан утказилаетган шу каби лойихаларимиз жамиятимиздаги ҳаракатчанг ёшларни саралашда ва уларнинг мехнатларини рағбатлантириб, келажагига бўлган ишонч руҳини янада қарор топишига ҳизмат қилмокда
Сергели туман Кенгаши ижрочи котиб М.Бозорова2018-07-05 14:43:34
O'zLiDeP ташаббуси билан "Ёш инновациячи" кўрик-танлови бугун мамлакатимизда ёшларга яратилаётган кенг имкониятлар туфайли юртимизда юзлаб иқтидорли ёшлар ўз салоҳиятини намоён этаётганлигини яққол намоён қилади десак адашмаган бўламан.
Таджиева Дилноза Баходировна Тошкент шахар2018-07-05 14:03:40
Партиямиз томонидан Еш ихтирочиларимизнинг барчасига 1 йиллик стипендия берилиши бу ешларимизни жудаям хурсанд килди. Айникса Турин Политехника университети ректори депутатимиз томонидан 20 фоизлик укишга кириш учун имконият берилгани ешларимизга катта имконият булди. Хар бир ешимиз бунга арзийди. "Ешлар бизнинг Келажак сиз".