O‘zLiDeP sayyor qabuli: Shovotdagi 40-maktab gazlashtiriladi

07.07.2018, 17:03

O‘zLiDeP sayyor qabuli: Shovotdagi 40-maktab gazlashtiriladi

O‘zLiDeP Xorazm viloyat Kengashi Shovot tumanidagi “Oydin” madaniyat va aholi dam olish markazida “Qiyot” va “Oydin” mahalla aholisi uchun sayyor qabul o‘tkazdi.  

Uchrashuvda “Qiyot” mahalla ahli nomidan so‘z olgan Shavkat Jumaboyev aholiga yetkazib berilayotgan ko‘mir briketining sifati yomonligini, suyultirilgan gaz yetishmasligi esa aholiga juda noqulaylik tug‘dirayotganini aytdi. Uning murojaatini xalq noibi Sh.Islamov o‘z zimmasiga olib, tuman gaz ta’minotiga deputatlik so‘rovi yuborish orqali muammoni hal etib berishini ma’lum qildi.

Shu hududda yashovchi O‘lmas Rajabov, Nilufar Sattorovalarning “Murabbiylar” ko‘chasida toza ichimlik suvi quviri tortishda amaliy yordam so‘rab qilgan murojaati ham tuman suv oqava bo‘limi tomonidan shu yerning o‘zida hal etildi.

Muxabbat Atamuratovaning ukasi Sherzod Abduraimovga chilangarlik sexi tashkil qilishda amaliy yordam so‘rab qilgan murojaati joyida yechim topdi. Sh.Abduraimovga tuman Arxitektura bo‘limi tomonidan tuman markazidagi Zavodchilar ko‘chasidan chilangarlik sexi tashkil etish uchun yer maydoni ajratildi.

­Shuningdek, sayyor qabulda 40-maktab jamoasi tomonidan ushbu maktabni gazlashtirish bo‘yicha amaliy yordam so‘rab qilgan murojaati va boshqa shu kabi masalalar deputatlik nazoratiga olindi.

Nilufar DJABBAROVA,

O‘zLiDeP Xorazm viloyat Kengashi

matbuot kotibi

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

Teglar
Sayyor qabul
  • Ko'rildi
    576
  • Chop etish
  • Do'stlar bilan ulashish
← Orqaga qaytish

Bildirilgan fikrlar

O‘zLiDeP Олтинсой туман Кенгаши ижрочи котиби Ш.Худайкулова2018-07-09 15:01:32

O‘zLiDeP томонидан ташкил этилаётган сайёр кабуллар халкимиз ишончини оқлашда хизмат қилмоқда.


Олим Норжигитов, Жиззах вилояти 2018-07-09 11:45:37

Халқимизнинг оғирини енгил қилиш, одамларнинг дардини эшитиш, муаммоларини ҳал этиш бизнинг энг асосий муҳим вазифамиздир. Буни оёғи ердан узилиб қолаётган тегишли мутасадди раҳбарлар, давлат ташкилотлари ходимлари чуқур англаб етишса яхши бўларди


Шамшод Жафаров 2018-07-09 10:14:00

Ёшларга барча шароитларни таъминлаш бу келажагимизга қўюлган қадамларни шахдамлалиги билан бахоланади.


Шовот туман Кенгаши 2018-07-09 09:54:40

“Ойдин” маданият ва аҳоли дам олиш марказида “Қиёт” ва “Ойдин” маҳалла аҳолиси учун ўтказилган сайёр қабулдан кейин Ражабова Хайотхоннинг тикувчилик цехини ташкил этишида имтиёзли кредит олиш бўйича хужжатлари тайёрланиб, тумандаги масъул банк филиалига юборилди.


Акбар Якубов, Жиззах вилояти2018-07-09 09:23:32

Ўтказилаётган сайёр қабуллар ўзининг ижобий натижаларини бермоқда. Бундан фуқароларимиз ҳурсанд бўлишмоқда.


Рахманова Гульнара КР Тахтакупир туман Кенгаши 2018-07-09 08:17:36

Махаллий Кенгаши депутатлари катнашувида ташкиллаштирилган тамонидан саёр каъбуллар утказилиши халкимизни кийнаб юрган муоммаларини ечимини топишда якиндан ердамчи булиб келмокда.


Дурдона Қобулова партия фаоли 2018-07-07 18:06:16

Маҳаллий кенгашлардаги депутатлик гуруҳи аъзоларимизнинг сайъи харакатлари билан сайловчиларнинг муаммолари ҳал бўлар экан, бу келажакдаги парламент ва маҳаллий Кенгашларга ўтказиладиган сайловларга замин бўлади.


Fikringizni qoldiring

+