Migrantlar huquqlari to‘la himoya qilinadi

10.07.2018, 15:00

Migrantlar huquqlari to‘la himoya qilinadi

Xabaringiz bor, yaqinda Prezidentimizning “O‘zbekiston Respublikasining tashqi mehnat migratsiya tizimini yanada takomillashtirish bo‘yicha qo‘shimcha chora-tadbirlar to‘g‘risida”gi qarori qabul qilindi.

Unga ko‘ra 2018 yil 1 sentyabrdan O‘zbekistonda ro‘yxatdan o‘tgan yuridik shaxslarga quyidagi huquqlar berildi:

– tegishli litsenziya asosida O‘zbekiston fuqarolarini xorijda ishga joylashtirish;

– akkreditatsiya asosida, ishlash uchun xorijga ketayotgan O‘zbekiston fuqarolarining malakasini tasdiqlash borasidagi faoliyat bilan shug‘ullanish.

Shuningdek, xorijda mehnat faoliyatini amalga oshiruvchi shaxslarni qo‘llab-quvvatlash hamda ularning huquq va manfaatlarini himoya qilish jamg‘armasi tashkil etildi. Jamg‘arma xorijda ishlash paytida zo‘ravonlik, majburiy mehnat va kamsitishdan jabrlangan, mehnat va boshqa huquqlari buzilgan, og‘ir moliyaviy ahvolga tushgan va shaxsini tasdiqlovchi hujjatlarsiz, tirikchilik uchun mablag‘siz qolgan fuqarolarni huquqiy va ijtimoiy himoya qilish, shuningdek, ularga moddiy yordam ko‘rsatish bilan shug‘ullanadi.

2018 yil 1 avgustdan:

– xususiy mehnat shartnomalari bo‘yicha ishlash uchun xorijga ketayotgan fuqarolarga xorijda mehnat faoliyatini amalga oshirish uchun ruxsatnoma berish tartibi bekor qilinadi;

– xorijda ishlayotgan fuqarolar Pensiya jamg‘armasiga eng kam ish xaqining to‘rt yarim baravari miqdorida yillik sug‘urta to‘lovlarini to‘lagan taqdirda to‘lovlar amalga oshirilgan davrlar mehnat stajiga qo‘shiladi.

Umuman olganda, mamlakatimizda mehnat migratsiyasiga munosabat tubdan o‘zgarmoqda. Bu borada davlatimiz rahbari tashbbusi bilan qabul qilingan mazkur qaror tashqi mehnat migratsiyasi tizimini yanada takomillashtirish, uning tashkiliy shakllarini tubdan kengaytirish, mehnat faoliyatini amalga oshirish uchun respublika tashqarisiga ketayotgan fuqarolarning mehnat va ijtimoiy huquqlari himoya qilinishini ta’minlash, xorijdan qaytib kelgan mehnat migrantlarini tadbirkorlik va mehnat faoliyatiga jalb etishni kengaytirish kabi masalalarni huquqiy tartibga soldi.

Ilyos Azizov,

Xalq deputatlari Mirobod

tuman Kengashidagi

O‘zLiDeP deputatlik

guruhi a’zosi

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    35
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Жўраева Гулбахор O‘zLiDeP Нишон туман Кенгаши раис ўринбосари аппарат рахбари 2018-07-10 15:18:08

Хурматли Президентимиз томонидан “Ўзбекистон Республикасининг ташқи меҳнат миграция тизимини янада такомиллаштириш бўйича қўшимча чора-тадбирлар тўғрисида”ги қарори қабул қилинди. Албатта бу қарорни қабул қилиниши барча Ўзбекистонлик фуқароларини ташқи меҳнат миграцияси тизимини янада такомиллаштириш, унинг ташкилий шаклларини тубдан кенгайтириш, меҳнат фаолиятини амалга ошириш учун республикадан ташқарига кетаётган фуқароларнинг меҳнат ва ижтимоий ҳуқуқлари ҳимоя қилинишини таъминлашга хизмат қилади.


Fikringizni qoldiring

+