Mamlakatimiz taraqqiyotining 5 yillik rivojlanish dasturida sport turlarini rivojlantirish orqali yoshlarning sog‘lom turmush tarzini ta’minlash asosiy vazifa qilib belgilab qo‘yilgan.

Shu asnoda yoshlar o‘rtasida sportning karate-do turini ommalashtirish, ularning bo‘sh vaqtlarini mazmunli o‘tkazish, sportga qiziquvchi yoshlarni qo‘llab-qo‘vatlash maqsadida Nukus shahri “Monshali”  ko‘chasida yashovchi fuqaro Bayram Yerejepov O‘zLiDeP Nukus shahar Kengashiga murojaat qildi. B. Yerejepov o‘z murojatida Nukus shahri 1-son Bolalar va o‘smirlar sport maktabiga qarashli Kurash maktabida karate-do to‘garagini ochish uchun sport zal bilan ta’minlab berishda yordam so‘ragan.

Partiya Nukus shahar Kengashi tomonidan Yerejepovning arizasiga binoan O‘zbekiston Karate Milliy Federatsiyasi Qoraqalpog‘iston Respublikasi bo‘limiga murojaat etildi. Ariza to‘liq o‘rganib chiqilib, murojaat egasi B.Yerejepovga belgilangan tartibda maxsus sport inventarlariga ega sport zali karate-do to‘garagi sifatida foydalanishga berildi.

Hozirga paytda to‘garakda 30 nafarga yaqin o‘g‘il-qizlar karate-do bilan doimiy shug‘ullanib kelishmoqda.

A.Jailganov

O‘zLiDeP Nukus shahar Kengashi

apparat rahbari v.b.

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!