Xalq deputatlari Kattaqo‘rg‘on shahar Kengashidagi O‘zLiDeP deputatlik guruhining navbatdagi yig‘ilishi bo‘lib o‘tdi. Yig‘ilishda Kattaqo‘rg‘on shahar Davlat soliq inspeksiyasi boshlig‘i axboroti eshitildi.

Qayd etilganidek, joriy yilning o‘tgan davri mobaynida shahar Davlat soliq inspeksiyasi tomonidan budjetga 35329,2 mln so‘m undirildi va reja ko‘rsatgichlari 8864,4 mln so‘mga ko‘p bajarildi.  

– Bundan tashqari, joriy yilning 2 choragi davomida kameral nazorat va monitoring natijasida 78 ta korxona va tashkilotlarda 180 ta norasmiy ishchi soni aniqlanib, qonuniy rasmiylashtirildi, – deydi Behzodjon Sultonov. – Qolaversa, 2 chorak davomida 66 ta yangi korxona va tashkilotlar ro‘yxatdan o‘tishi natijasida 87 ta yangi ish o‘rni yaratildi. Buning natijada esa budjet va budjetdan tashqari maqsadli jamg‘armalarga 59,8 mln so‘m undirildi.

Yig‘ilishda bildirilgan taklif va mulohazalardan kelib chiqib, deputatlik guruhining tegishli qarori qabul qilindi.

Baxtigul QARShIYEVA,

O‘zLiDeP Samarqand viloyat

Kengashi matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!