Tadbirkor Mavjuda Ibragimova O‘zLiDeP  Jizzax viloyat Kengashi “Ayollar qanoti”ga 2016 yildan buyon o‘z fermer xo‘jaligi xududida molxona va dala shiyponi qurishiga ruxsat ololmayotganligi to‘g‘risida murojaat qildi.

– “Sangzor shirin taomlari” MChJ 2013 yil tashkil topgan, – deydi Mavjuda Ibragimova. – Faoliyatimizni umumiy ovqatlanish shahobchasini tashkil etishdan boshlaganmiz. Tadbirkorlikni kengaytirish maqsadida  2015-yilda 47 gektar lalmi, tashlandiq xolatidagi bo‘z yerni o‘zlashtirib, “Elsevar diyor” ko‘p tarmoqli g‘allachilikka ixtisoslashgan fermer xo‘jaligi tashkil etdik. Sho‘rxok yerlarning meliorativ xolatini yaxshilash maqsadida o‘z hisobimizdan zovur va drenajlar qazib adirga suv chiqardik.

Hozirgi kunda ushbu fermer xo‘jaligining 10 gektar yeriga g‘alla ekilgan. Bundan tashqari 3 gektar bog‘ barpo etilgan bo‘lib, unda 420 tup o‘rik,  250 tup shaftoli, 300 tup olma, 3000 tup yong‘oq va 500dan ziyod bodom va 100 tup gilos ko‘chatlari o‘tqazilgan. 2016 yilga kelib, 3 gektar yerda baliqchilik va asalarichilikni yo‘lga qo‘yildi. Fermer xo‘jaligida 57 kishi ish bilan band.

– Faoliyatimizni yanada kengaytirish, ish sifati va unumdorligini oshirish maqsadida tuman hokimligiga molxona va dala shiyponi qurishga ruxsat so‘rab murojaat qildik, – tadbirkor M.Ibragmova. – Ammo murojaatim e’tiborsiz qoldirildi. Shundan keyin O‘zLiDeP Jizzax viloyat Kengashi “Ayollar qanoti”ning telegramdagi “Tadbirkor ayollar muamolarini o‘rganish guruhi”ga murojaat qildim. Partiya fermer xo‘jaligimiz hududida molxona va dala shiyponi qurishiga ruxsatnoma olishda amaliy yordam ko‘rsatdi.  

O‘zLiDeP Jizzax viloyat

Kengashi matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!