O‘zLiDeP Andijon viloyat Kengashi “Ayollar qanoti” Baliqchi tumanida “Farovon oila” loyihasi doirasida “Sog‘lom va mustahkam oila – jamiyat boyligi va kelajak poydevori” mavzusida ochiq muloqot o‘tkazdi.    

Tadbirda tuman xotin qizlar qo‘mitasi, tuman jinoyat ishlari bo‘yicha sud raisi, IIB, “Oila” ilmiy markazi, tuman tibbiyot birlashmasi xodimlari ishtirok etdi.  

Tadbir xotin-qizlar o‘rtasida huquqbuzarliklarni oldini olish, huquqbuzarlikka moyilligi bo‘lgan ayollar bilan yakka tartibda ishlash, jazoni ijro etish muassasalaridan ozod qilingan xotin-qizlarning ijtimoiy reabilitatsiyasi va moslashishida ko‘maklashish maqsadida tashkil etildi.  

– Oilaviy ajrimlar jamiyatda bir qator salbiy holatlarni yuzaga keltirmoqda, – deydi Baliqchi tumani xotin qizlar qo‘mitasi raisi G.Dehqonova. – Shu bois oilalarda sog‘lom muhitni yaratish, o‘zaro mehr-oqibat va hamjihatlik asosida oilaviy munosabatlarni mustahkamlash masalasiga alohida e’tibor qaratmoqdamiz. Tadbir davomida tumandagi ayollarning muammolari tinglandi. Jumladan, Aralxon MFYda yashovchi D. Barisova turmush o‘rtog‘i Rossiyaga oilasini nochor ahvolda tashlab ketgani va oilasini tiklashda bir o‘zining kuchi yetmayotganini aytib, ko‘mak so‘radi. Bu murojaat yuzasidan amaliy yordam ko‘rsatish rejaga kiritildi.  

 Muloqot davomida 25 nafar ayol ish joyidan ish haqini ololmayotganini ma’lum qildi. Bu muammo partiya xodimlari tomonidan ijobiy hal etiladigan bo‘ldi.  

Umida Isayeva,

O‘zLiDeP Andijon viloyat

Kengashi xodimi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!