O‘zLiDeP Kattaqo‘rg‘on tuman Kengashi “Sog‘lom oila –mustahkam oila” loyihasi doirasida tuman Ko‘p tarmoqli markaziy poliklinikasida bepul tibbiy ko‘rik tashkil etdi.

Ko‘rik davomida 20 dan ortiq xotin-qizlar salomatligi shifokorlar nazoratidan o‘tkazildi. Ular orasida oila qurish arafasida bo‘lgan Samandar Nag‘matov va Yulduz Farmonovalar ham bor.

–Yaqinda to‘yimiz bo‘ladi. Shu bois, to‘y oldidan tibbiy ko‘rikdan o‘tish uchun mazkur muassasaga kelgan edik, – deydi S.Nag‘matov. – Barcha shifokorlar ko‘rigidan bepul o‘tdik. Buning uchun tashkilotchilarga minnatdorchilik bildiramiz.

Ta’kidlash kerak, bugun O‘zLiDeP viloyat Kengashi tomonidan joylarda o‘tkazilayotgan ko‘riklar doirasida aholi o‘rtasida tibbiy savodxonlikni oshirish maqsadida bemorlarga  zarur tavsiyalar berilmoqda. Kasalligi aniqlangan bemorlarga bepul dori-darmon vositalari tarqatilmoqda.    

Baxtigul QARShIYEVA,

O‘zLiDeP Samarqand viloyat

Kengashi matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!