Xalq deputatlari Yangibozor tuman Kengashidagi O‘zLiDeP deputatlik guruhi a’zosi A.Tangirova, partiya tuman Kengashi xodimlari, tuman yer tuzish va davlat kadastr bo‘limi mas’ullari bilan birgalikda Yangibozor tuman Uyg‘ur qishlog‘ining “Hayvat” mahallasi ahlining taklif va muammolari o‘rganildi.

Sayyor qabulda mazkur mahallada istiqomat qilayotgan Mansur Ataxanov qo‘shimcha tomorqa yeri yo‘qligi va tomorqachilik bilan shug‘ullanish istagini bildirib qilgan murojaati mas’ullar tomonidan atroflicha o‘rganildi.         O‘rganish natijalariga ko‘ra, shu mahallada yashovchi Avazjon Odamboyeva turmush o‘rtog‘i vafot etganidan keyin fermer xo‘jaligida ish boshqaruvchi bo‘lib ishlashi natijasida tomorqasi qarovsiz yotganini aytib, yerini M.Ataxanovga berishga rozi bo‘ldi.  

– Bugun oilaviy tadbirkorlik bilan shug‘ullanuvchilar uchun katta imtiyozlar yaratilmoqda, – deydi Mansur Bazarbayev. – Men ham ko‘pdan beri mahallamizda avtotransport vositalarini yuvish shahobchasini ochish uchun 15 mln so‘m kredit olishda ovvora edim. Bugun partiya faollarining xonadonimizga tashrifidan xursandman. Sababi, ko‘pdan beri hal bo‘lmay kelayotgan ushbu muammoyimni partiya mas’ullari o‘z nazoratiga oldi, zarur hujjatlarimni bankga topshirganimdan keyin qonun doirasida kredit olishim mumkinligi va shunda ham to‘sqinlik bo‘lsa, deputatga uchrashishimni aytishdi.

Shuningdek, imtiyozli kredit olish istagini bildirgan Bekzod Sabirov va O‘rinboy Matnazarovlarning ham muammolari o‘rganilib, tegishli tavsiyalar berildi. 

Nilufar Djabbarova,

O‘zLiDeP Xorazm viloyat Kengashi

Matbuot kotibi

O‘zLiDePning Facebook hamda Instagram'dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!