O‘zLiDeP Surxondaryo viloyat Kengashi Sherobod tumanidagi “G‘urjak -1” MFYda sayyor qabul tashkil etdi. Unda xalq deputatlari tuman Kengashidagi partiya deputatlik guruhi a’zolari, partiya viloyat va tuman Kengashi xodimlari hamda mutasaddi tashkilot  vakillari ishtirok etdi.

Sayyor qabul davomida hudud ahli tomonidan 20 ga yaqin murojaatlar o‘rtaga tashlanib, ularning aksariyatida joyida hal etildi.

Xususan, shu hududda yashovchi Narzulla Norqobilov va Chori Qorjavovlarning chorvachilik yo‘nalishida tadbirkorlik faoliyatini amalga oshirish maqsadida 15 mln so‘mdan  imtiyozli kredit olishda amaliy yordam so‘rab qilgan murojaati “Xalq banki” mutaxassisi N. Ibragimov tomonidan joyida o‘rganilib, fuqarolarning murojaati qanoatlantirildi.

–Anchadan buyon chorvachilik bilan shug‘ullanish niyatida yurgandim. Lekin faoliyatimni boshlashim uchun yetarli mablag‘im yo‘q edi, – deydi Narzulla Norqobilov. – Shu bois, bu masalada hududimizda tashkil etilgan sayyor qabulda mutasaddilarga murojaat qildim. Ularning ko‘magida kredit olish uchun zarur bo‘lgan hujjatlarni bankka taqdim etdim. Umid qilamanki, yaqin kunlarda faoliyatimni boshlashim uchun zarur bo‘lgan mablag‘ni olaman.

Yig‘ilishda shuningdek, shu mahallada yashovchi P.Qodirovning ichki yo‘llarni ta’mirlash bo‘yicha amaliy yordam so‘rab qilgan murojaati ham xalq noibi, O‘zLiDeP deputatlik guruhi a’zosi J.Quvvatov tomonidan o‘rganilib, tuman yo‘l xo‘jaligi unitar korxonasi ma’muriyatiga deputatlik so‘rovi yuboriladigan bo‘ldi.  

Ziyoda QODIROVA,

O‘zLiDeP Surxondaryo viloyat

Kengashi bo‘lim mudiri

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!