O‘zLiDeP Urganch tuman Kengashi “G‘aybu” qishlog‘ining “Oyoq-bog‘”, “Tandirchi”, “Adolat”, “Oq-maktab”, “Shoxidonlar”, “Xojiboylar”, “Turkmanlar” va “Cho‘lobod” mahallalari ahli uchun sayyor qabul tashkil etdi.

Qabulda Xalq deputatlari viloyat, tuman Kengashidagi partiya deputatlik guruhi a’zolari, partiya viloyat Kengashi, Urganch tuman hokimligi hamda bir qator tashkilotlar vakillari ishtirok etdi. 

– Mahallamizda 330 xonadon istiqomat qiladi, – deydi Turkmanlar mahallasida yashovchi S.Yusupov. – Lekin ko‘pdan beri toza ichimlik suvi muammosidan qiynalamiz. Shu bois, bu masalada hududimizda tashkil etilgan sayyor qabulda mutasaddilardan ko‘mak so‘ragandik. Ularning tashabbusi bilan muammoyimiz yaqin kunlarda hal bo‘ladi. 

Sayyor qabulda ishtirok etgan “Tandirchi” mahallasida yashovchi Rustam Jabberganov “Ilg‘orlar” ko‘chasidagi transformatorni eskirgani sabab elektr toki muammosi aholini qiynab kelayotganini aytib, shu masalada mutasaddilardan ko‘mak so‘radi. Uning murojaatini partiya tuman Kengashi raisi va O‘zLiDeP deputatlik gururhi a’zosi A.Ro‘zmetov tomonidan nazoratga olindi.

Guliston ADAMBAYEVA,

O‘zLiDeP Urganch tuman

Kengashi apparat rahbari

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!