O‘zLiDeP Nurobod tuman Kengashi Sazag‘on va Saroy mahallalarida Prezidentimizning “Yoshlar – kelajagimiz” Davlat dasturi to‘g‘risida”gi Farmoni targ‘ibotiga bag‘ishlangan tadbir o‘tkazdi.

Tadbirda Farmon ijrosini ta’minlash maqsadida tumanda maxsus shtab tashkil etilgan bo‘lib, shtab qoshida ishchi guruhlarga bo‘lingan holda tumanning barcha hududlaridagi yoshlarni hatlov asosida maxsus anketa-so‘rovnomasi o‘tkazilayotgani aytib o‘tildi.

Shuningdek, xatlov yakunlari bo‘yicha biznez va tadbirkorlik faoliyatini yo‘lga qo‘ymoqchi bo‘lgan va kredit so‘mmasiga ehtiyoj bildirgan yoshlarga Yoshlar ittifoqi qoshida tashkil etiladigan maxsus jamg‘arma hisobidan kredit berib, ularning biznes g‘oyalarini moliyaviy qo‘llab-quvvatlash nazarda tutilayotgani ta’kidlandi.  

–Mazkur Farmonda nazarda tutilgan zamonaviy bilim va ko‘nikmalarga ega, mamlakatning munosib kelajagi uchun javobgarlikni o‘z zimmasiga ola biladigan barkamol, maqsadga intiluvchan va serg‘ayrat yoshlarni tarbiyalash mamlakatni barqaror va ildam rivojlantirishda asosiy yo‘nalishlari aniq-tiniq qilib belgilab berilgan, – deydi xalq deputatlari Nurobod tuman kengashi deputati Asomiddin Ziyatov. Hozirgi vaqtda tumanimizda 40 mingga yaqin, 14 yoshdan 30 yoshgacha bo‘lgan yoshlar istiqomat qilishadi.Ushbu Farmon millionlab respublikamiz yoshlari qatori nurobodliklar uchun ham katta imkoniyatlar eshigini ochadi.

Tadbirda tashkilotchilar mahalla faollari bilan birgalikda aholi xonadonlarida bo‘lib, yoshlar bilan suhbatlar o‘tkazdi, tadbirkorlikni boshlash istagida bo‘lgan yoshlarga zarur maslahatlar berildi.

Sayfiddin Rasulov,

 Xalq deputatlari

Nurobod tuman kengashidagi

O‘zLiDeP deputatlik

guruhi ijrochi kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!