O‘zLiDeP Qorako‘l tuman Kengashi “Qo‘vacha” qishlog‘i  aholisi uchun sayyor qabul tashkil etdi.

Qabulda Xalq deputatlari viloyat, tuman Kengashidagi partiya deputatlik guruhi a’zolari, partiya viloyat Kengashi, tuman hokimligi hamda bir qator tashkilotlar vakillari ishtirok etdi. 

Yuzma-yuz muloqotlar davomida so‘z olgan “Quva” mahallasida yashovchi X.Xasanov hudud ahli ko‘pdan beri toza ichimlik suvi muammosidan qiynalishini aytib, shu masalani ijobiy hal etishda mutasaddilardan ko‘mak so‘radi. Uning murojaatini xalq deputatlari tuman kengashidagi partiya deputatlik guruhi a’zolari o‘z zimmasiga olib, tegishli tashkilotlarga deputatlik so‘rovi chiqarish orqali muammoni hal etib berishini ma’lum qildi.

Shuningdek, “Yangi Qal’a” mahallasida yashovchi Jumaboy Adizov suyultirilgan gaz ballonlarni o‘z vaqtida yetib kelmasligidan shikoyat qildi. Uning murojaatini partiya tuman Kengashi raisi va O‘zLiDeP deputatlik guruhi a’zosi N.Qilichov tomonidan nazoratga olindi.

 Shamshod Jafarov,

O‘zLiDeP Buxoro viloyat kengashi

matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!