“Ishbilarmon ayol” ko‘rik-tanlovining Jizzax viloyat bosqichi g‘oliblari aniqlandi

30.07.2018, 18:09

“Ishbilarmon ayol” ko‘rik-tanlovining Jizzax viloyat bosqichi g‘oliblari aniqlandi

O`zLiDeP Jizzax viloyat Kengashi “Ayollar qanoti” tomonidan “Ishbilarmon ayol” ko‘rik-tanlovining viloyat bosqichi o‘tkazildi. Unda tanlovning tuman, shahar bosqichlarida g‘oliblikni qo‘lga kiritgan tadbirkor va ishbilarmon xotin-qizlar ishtirok etdi.

Tanlovda ishtirokchilar ishini baholashda xotin-qizlar uchun yaratilgan ish joylari, eksportga yo‘naltirilgan yoki import o‘rnini bosuvchi mahsulot ishlab chiqarish, ko‘rsatilayotgan xizmatlar sifati, o‘z faoliyatiga innovatsion g‘oyalarni tatbiq etish kabi jihatlarga asosiy e’tibor qaratildi.

–Bugun zamon tadbirkorniki. Yurtimizda ishlayman, mehnat qilaman, degan kishi uchun barcha sharoit yaratilgan, – deydi tanlovning 1-o‘rin sohibi Sh.To‘raqulova. – Shu bois, yaratilayotgan imkoniyatlardan samarali foydalanib, o‘z biznesimni yo‘lga qo‘ydim. Ayni chog‘da 4 nafar xotin-qizni doimiy ish bilan ta’minlaganman. Kelgusida ham rejalarimiz ko‘p. Faoliyatimizni yanada kengaytirib, xotin-qizlar uchun qo‘shimcha yangi ish o‘rinlari yaratmoqchimiz. Bunday e’tibor va g‘amxo‘rliklar esa maqsadimizga erishishimizda keng zamin yaratadi.

Tanlovda Shaxnoza To‘raqulovadan tashqari Shahnoza Qobilova va Gulmira Zoidovalar ham tanlovning respublika bosqichiga yo‘llanma oldi.

Tanlov yakunida g‘olib va sovrindorlar diplom va esdalik sovg‘alari bilan taqdirlandi.

O`zLiDeP Jizzax viloyat

Kengashi matbuot xizmati

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    1253
  • Chop etish
  • Do'stlar bilan ulashish
← Orqaga qaytish

Bildirilgan fikrlar

UzLiDeP Фарғона вилоят Кенгаши матбуот котиби Шоҳиста Толипова2018-07-31 16:54:08

БУГУНГИ КУНДА ЖАМИЯТДА ҲАР ТОМОНЛАМА ФАОЛ АЁЛ-ҚИЗЛАРИМИЗНИНГ ЭРИШАЁТГАН ЮТУҚЛАРИ ТАХСИНГА ЛОЙИҚ. МАЗКУР ТАНЛОВГА ЖИЗЗАХ ВИЛОЯТИ КАТТА ТАЙЁРГАРЛИК КЎРГАНИ СЕЗИЛИБ ТУРИБДИ. ВА АЛБАТТА УШБУ ТАНЛОВ ЯНА КЎПЛАБ ТАДБИРКОР, ИШБИЛАРМОН ВА ТАШАББУСКОР АЁЛЛАРИМЗИНИ ҚИЗЛАРИМИЗНИ КАШФ ЭТА ОЛДИ ДЕСАК АДАШМАЙМИЗ. ОЛДИНДА РЕСПУБЛИКА БОСҚИЧИ!!! БАРЧА ВИЛОЯТЛАРДАГИ ҒОЛИБА ОПА СИНГИЛЛАРИМИЗГА ОМАД ВА ШИЖОАТ ТИЛАЙМИЗ!


Ш.Ахмедова O'zLiDeP Косон туман кенгаши раисининг аёллар масалалари бўйича ўринбосари2018-07-31 09:38:58

"Ишбилармон аёл" кўрик-танлови ҳамкор ташкилотлар ҳамкорлигида ташкил этилган бўлиб, янги тақдим этилган лойиҳалар асосида аёллар тадбиркорликни ривожлантиришга, ҳамда чекка ҳудудларда ишчи ўринларини яратаётган аёллар ишларига омад тилайман.


Гулбаҳор Тўраева. O`zLiDeP Қашқадарё вилоят Кенгаши "Аёллар қаноти" бўлими мудири"2018-07-31 09:26:24

"Ишбилармон аёл" кўрик-танлови хотин-қизлар ўртасида фаол, интилувчан, ташаббускор тадбиркорларнинг билим ва тажрибасининг янада ортишига кўмак берибгина қолмай, уларнинг ўзаро тажриба алмашиб, ўз фаолиятларини кенгайтиришларида муҳим аҳамият касб этади. Кўрик танловнинг барча ғолибларига республика босқичида омад тилайман.


Рахманова Гульнара УзЛиДеП Тахтакупир туман Кенгаши ижрочи коитб 2018-07-31 08:31:45

Танловда Шахноза Тўрақуловадан ташқари Шаҳноза Қобилова ва Гулмира Зоидовалар ҳам танловнинг республика босқичига йўлланма олган кизларимизни табриклаймиз. Келгуси ишларида катта ютукларга эришиши тарофдаримиз


Қ.Эшқораева Навоий вилояти Учқудуқ тумани2018-07-31 08:14:58

Аёллар бугунги кунда ҳар соҳада фаоллик кўрсатмоқда. Аёлларнинг жамиятдаги ўрни ва мавқие тоборо ортиб бормоқда. Аёллар бугун тадбиркорликни йўлга қўйиб оиласига даромад олиб келмоқда.


Fikringizni qoldiring

+