O‘zLiDeP sayyor qabulidan so‘ng angorlik Nodira Yomg‘irova ishli bo‘ldi
01.08.2018, 18:58
O‘zLiDeP Angor tuman Kengashi “Qadimiy Angor” mahallasi aholisi uchun sayyor qabul tashkil etdi.
Unda xalq deputatlari tuman Kengashidagi partiya deputatlik guruhi a’zolari, partiya tuman kengashi xodimlari, tegishli idora va tashkilot rahbarlari hamda keng jamoatchilik vakillari qatnashdi.
Sayyor qabulda mahalla ahli nomidan so‘z olgan Husniddin Sattorov gaz balloni ajratilishida amaliy yordam so‘rab murojaat qildi. Uning murojaati xalq deputatlari tuman kengashidagi partiya deputatlik guruhi a’zolari tomonidan o‘rganilib, mutasaddilar ko‘magida joyida hal etildi.
Shuningdek, shu hududda yashovchi Ilhom Turopovning ichimlik suvi bo‘yicha qilgan murojaati xalq noibi E.Japparov tomonidan deputatlik so‘rovi yuborish uchun yozib olindi.
“Qadimiy Angor” mahallasida yashovchi Nodira Yomg‘irova ko‘p yillardan buyon ishsiz. To‘g‘ri, u ish masalasida bir necha bor tegishli tashkilotlarga murojaat qildi, lekin hozirga qadar natija yo‘q.
–Oliy ma’lumotli bo‘lsamda o‘z mutaxassisligim bo‘yicha ish topolmayotgan edim, – deydi N.Yomg‘irova. –Shu bois, mazkur masalada hududimizda tashkil etilgan sayyor qabulda mutasaddilardan ko‘mak so‘radim. Murojaatim xalq deputatlari tuman kengashidagi O‘zLiDeP deputatlik guruhi a’zolari tomonidan o‘rganib chiqilib, shu yerning o‘zida hal etildi. Endi yaqin kunlarda tumanimizdagi 37-sonli umumiy o‘rta ta’lim maktabida o‘z faoliyatimni boshlayman.
Qabul so‘nggida aholi tomonidan kelib tushgan muammolarni o‘z vaqtida ijobiy hal etish yuzasidan partiya deputatlik guruhlariga aniq vazifalar belgilab berildi.
A’zim Shoberdiyev,
O‘zLiDeP Angor tuman
Kengashi apparat rahbari
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Fikringizni qoldiring
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Bildirilgan fikrlar
Акбар Якубов, Жиззах вилояти2018-08-02 09:47:04
Ўтказилаётган сайёр қабуллар натижасида жойлардаги муаммоли масалалар ўз ечимини топмоқда.