Xabaringiz bor, O‘zLiDeP Siyosiy Kengashi Ijroiya qo‘mitasi va Namangan viloyat, tuman Kengashlari xodimlari, mahalliy Kengash deputatlari hamda partiya faollaridan iborat ishchi guruh xonadonma xonadon yurib aholi bilan bevosita muloqotda bo‘lmoqda.

O‘zLiDeP faollari tomonidan tuzilgan ishchi guruh vakillari Kosonsoy tumanidagi “Chindovul” MFY aholisi bilan uchrashib, hududdagi muammo va takliflarni atroflicha o‘rgandi.

Ishchi guruh  vakillari ikki kun mobaynida mazkur hududda yashovchi 70 dan ortiq aholi bilan yuzma-yuz muloqotga kirishdi.

Uchrashuvlarda “Har bir oila-tadbirkor” va “Yoshlar – kelajagimiz” dasturlari doirasida tadbirkorlik bilan shug‘ullanmoqchi bo‘lgan yoshlarga va har bir oilaga imtiyozli kreditlar ajratilishi to‘g‘risidagi eng muhim ma’lumotlar aniq va sodda tilda tushuntirib berildi va aholining muammolari o‘rganildi.

Mahalla ahli bilan suhbatlashganimizda mamlakatizda olib borilayotgan bugungi islohotlardan minnatdor ekanligini his etdik. Hudud aholisi bugungi kunidan mamnun, shukronalik kayfiyatida bo‘lib, aholi o‘z tomorqasidan har bir qarich yerdan samarali foydalanayotgani guvohi bo‘ldik.

Zulfiya Qosimova ana shunday serg‘ayrat, shijoatkor yurtdoshlarimizdan biridir. Zulfiya opa ikkinchi guruh nogironi bo‘lishiga qaramay xonadonida 3 ta issiqxona tashkil etib, gul, pomidor, bodring, malina yetishtirishni yo‘lga qo‘ygan. Tomorqasidan yiliga 20 million atrofida daromad oladi.

- Yurtboshimiz ta’kidlaganidek, oilamiz ichki imkoniyatlaridan foydalanib daromad topyapmiz, - deydi Z. Qosimova. - Mehnat qilish orqali  kasalligimni unutaman, ham oilam ro‘zg‘origa baraka kiradi. Mana bugun partiya faollari bilan hamsuhbat bo‘lib, faoliyatimni yanada kengaytirish istagi paydo bo‘ldi. Tomorqamdagi 2 sotix maydonda limonariya tashkil etishni rejalashtiryapman.

Bu borada O‘zLiDeP faollari Z.Qosimovaga issiqxona tashkil qilishda yaqindan ko‘maklashadigan bo‘ldi.

O‘zLiDeP tashabbusi bilan hudiu shu kabi issiqxona qurmoqchi bo‘lgan tomorqa yer egalarining 20 nafariga O‘zbekiston fermer, dehqon xo‘jaliklari va tomorqa yer egalari kengashi qoshida tashkil etilgan Jamg‘arma hisobidan kredit ajratib berishda ko‘maklashadigan bo‘ldi.

Partiya faollarining aholi bilan uchrashuvlari davom etmoqda.

Yulduz YULDASHEVA,

O‘zLiDeP Namangan viloyat

Kengashi matbuot kotibi

O‘zLiDePning Facebook hamda Instagram'dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!