Sayyor qabul: farg‘onalik Nodira Xalilovaga hududdagi foydalanilmay yotgan yer maydoni beriladi

14.08.2018, 16:52

Sayyor qabul: farg‘onalik Nodira Xalilovaga hududdagi foydalanilmay yotgan yer maydoni beriladi

O‘zLiDeP Farg‘ona tuman Kengashi tomonidan “Mash’al” MFYda sayyor qabul tashkil etildi.

Unda partiya tuman kengashi mas’ullari, xalq deputatlari tuman kengashidagi partiya deputatlik guruhi a’zolari, tegishli idora va tashkilot rahbarlari hamda keng jamoatchilik vakillari ishtirok etdi.  

Qabul davomida fuqarolar tomonidan ichki yo‘llarni ta’mirlash, aholini arzon uy-joy va yer maydoni bilan ta’minlash, moddiy yordam ajratish va boshqa masalalar bo‘yicha 30ga yaqin murojaatlar kelib tushdi.

Masalan, “Mash’al” MFYda yashovchi Nodira Xalilova hududdagi foydalanilmay yotgan yer maydonini olishda ko‘mak so‘radi. Uning murojaati tashkilotchilar tomonidan joyida o‘rganilib, yaqin kunlarda hal etiladigan bo‘ldi.  

Mahalla ahli nomidan so‘z olgan Mavluda Muzrabova qish kunlarida ko‘mir olish uchun MFYga zarur shart-sharoitlar yaratish kerakligini aytdi. Uning murojaatini xalq noibi, partiya deputatlik guruhi a’zosi Murodjon Yuldashev o‘z zimmasiga olib, muammoni ijobiy hal etib berishga va’da berdi.

Shu hududda yashovchi Nadejda Cherkasova qizi og‘ir dardga chalinganini aytib, uning operatsiyasi uchun order olishda ko‘mak so‘radi. Ushbu masalada xalq deputatlari tuman Kengashidagi partiya deputatlik guruhi tomonidan tuman tibbiyot birlashmasiga deputatlik so‘rovi yuborilishi rejalashtirildi.

–Aholi bilan yuzma-yuz muloqot qilib, odamlarni o‘ylantirayotgan muamolarni hal etayotgan partiya faollaridan juda minnatdormiz, – deydi N.Cherkasova – Taqdir ekan, qizim anchadan buyon og‘ir xastalikka chalingan, davolatish uchun esa ortiqcha mablag‘imiz yo‘q. Shu bois, hududimizda tashkil etilgan sayyor qabulda mutasaddilardan ko‘mak so‘radik. Tashkilotchilarga rahmat, murojaatimni hal etib berishlarini ma’lum qildi. Ularning bu g‘amxo‘rliklarini aslo unutmaymiz. 

Sayyor qabul so‘nggida murojaatlar yuzasidan O‘zLiDeP hamda tegishli mutasaddi idoralar tomonidan muayyan muddatda ijrosini ta’minlash bo‘yicha aniq vazifalar belgilab olindi.

 Sh.TOLIPOVA,

   O‘zLiDeP Farg‘ona viloyat Kengashi

 matbuot kotibi

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    1224
  • Chop etish
  • Do'stlar bilan ulashish
← Orqaga qaytish

Bildirilgan fikrlar

O‘zLiDeP аъзоси Сўх тумани Азамат Мирзажонов 2018-08-14 21:34:12

Жамиятимизни ривожи энг кичик муаммоларни ҳам бартараф этиб борилиши билан янада барқарорлашади. Сайёр қабулларда қанча қанча одамларнинг муаммолари ечимини топиб мушкули осон бўляпти. Партиядаги фаоллар, депутатлар ва албатта сектор рахбарлари ҳам бу учрашувларда ўзларини масъул билиб халқ учун яхши шароитлар яратилиши учун ҳаракат қилмоқда. Халқ ҳам партия билан бирлашиб харакат қилишдан тўхтамаса катта муаммолар ҳам бартараф бўлиши осон кечади.


Фурқатжон Эшонов Бешариқ тумани 2018-08-14 21:29:00

Шу сайтни анчадан бери кузатаман. айниқса навбатчилигимни мана шу сайт янгиликларини ўқиб ўтказаман. Юртимизда мана шундай партия фаоллари, одамлар учун жон тортадиган Депутатлар борлигидан хурсандман! Одамларни яъни халқни ғҳамни еб мана шунақанги юзма юз учрашувларни ўтказилиши бу жуда катта иш. Либерал Демократик Партиясини ишлари бунданда юксалсин. Бизни томонларгаям бир келинглар кутамиз


УСМОНОВА ФАРИДА ФАРҒОНА ШАҲРИ ПАРТЯ ФАОЛИ2018-08-14 21:24:30

Бунақанги учрашувлар энг чекка қишлоқларда бўлаётгани жуда кўп муаммоларни юзага чиқарибгина қолмай ана шу муаммоларни хал этилишига ўзини катта хиссасини қўшмоқда. Албатта Депутатларнинг саъйи харакатлари айрим мудраб қолган катталарни хам уйғотиб юрт учун ёнишига туртки бўляпти. Бу учрашувларда тиним билмаётган партия фаоллари ва депутатларнинг ишларида фақат омад кучу қувват тилайман


Исомов Акрам Жиззах вилоят Кенгаши2018-08-14 18:10:55

Жойларда сайёр кабулларни купрок ташкил килиб, ахоли муаммоларини депутатлар оркали ечиш чораларини куриш лозим.


Дилшод Турсунбоев ЎзЛиДеП Жиззах вилоят Кенгаши2018-08-14 17:11:25

Бу борадаги сайёр қабуллар ҳалқимизнинг муаммо ва камчиликларини ҳамда тадбиркорлик ва Фермерликда юзага келаётган тўсиқларни бартараф этишда хизмат қцилишига ишонамиз.


Fikringizni qoldiring

+