O‘zLiDeP Qoraqalpog‘iston Respublikasi Kengashi Qo‘ng‘irot tumanidagi 1-sonli ko‘p tarmoqli poliklinikada “Oltinko‘l” MFY aholisi uchun bepul tibbiy ko‘rik tashkil etdi.

Tibbiy ko‘rik davomida hududdagi 40ga yaqin xotin-qizlar malakali mutaxassislar tomonidan chuqurlashtirilgan tibbiy ko‘rikdan o‘tkazildi. Aniqlangan kasalliklar bo‘yicha ayollarga kerakli maslahatlar va davolanish uchun yo‘llanmalar berildi.

– O‘zim uy bekasiman. Lekin tibbiy ko‘rikdan o‘tish uchun poliklinikaga kelib ketishga vaqt topolmasdim, – deydi “Oltinko‘l” MFYda yashovchi P.Joldibayeva. – O‘zLiDePning bepul tibbiy ko‘rik tashkil etishidan xabardor bo‘lib, tibbiy ko‘rikdan o‘tgani keldik. Shukurki, salomatligim yaxshi ekan, hech qanday kasallik alomatlari aniqlanmadi. Shunday tadbirlarni o‘tkazib, bizga yordam bergan partiya faollaridan minnatdormiz.

Tadbir so‘nggida bu kabi tibbiy ko‘riklarni tumanning boshqa mahallalarida ham o‘tkazishga kelishib olindi.

O‘zLiDeP Qoraqalpog‘iston Respublikasi

Kengashi matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!