O‘zLiDeP “Qonliko‘lli Tazagul” xususiy korxonasida BPT tuzdi
14.08.2018, 18:08
O‘zLiDeP Qoraqalpog‘iston Respublikasi Kengashi Qonliko‘l tumanidagi “Qonliko‘lli Tazagul” xususiy korxonasida ochiq muloqot tashkil etdi.
Dastlab korxona rahbari Tazagul Turemuratova ishtirokchilarni korxona faoliyati va ishchi-xodimlar uchun yaratilgan shart-sharoitlar bilan tanishtirdi.
Ta’kidlash kerak, 2015 yilda o‘z faoliyatini savdo sohasida boshlagan korxona joriy yilning ijtimoiy iqtisodiy rivojlantirish dasturiga “Non va non mahsulotlarini ishlab chiqarish” loyihasi bilan kiritilgan edi. Shu bois, tijorat banklarining 250 mln. so‘m miqdoridagi krediti hisobidan non ishlab chiqarish va tikish sexlari muddatidan avval ishga tushdi.
– 2016 yildan buyon O‘zLiDeP a’zosiman, – deydi korxona rahbari T.Turemuratova. – Shu sababli partiya faollari doimiy ravishda korxonamizga kelib, faoliyatimizni rivojlantirishda ko‘maklashib turishadi. Yaqinda partiya ko‘magida 7 ta zamonaviy tikish mashinasi olib kelib, hududdagi 9 nafar xotin-qizni ish bilan ta’minladik. Kelgusida ham rejalarimiz ko‘p. Eng avvalo, faoliyatimizni kengaytirib, qo‘shimcha bo‘sh ish o‘rni yaratmoqchimiz.
Tadbir davomida shuningdek, xususiy korxonada ishlovchi xotin-qizlarga partiyaning maqsad-vazifalari haqida atroflicha ma’lumot berildi.
– Partiyaning g‘oyaviy maqsad va dasturi menda katta qiziqish uyg‘otdi. Shuning uchun O‘zLiDePga a’zo bo‘ldim, – deydi korxona ishchisi Gulbaxor Umarova. – Tikuvchilikka bolaligimdan qiziqaman, hatto kelajakda bu sohada tadbirkorlik faoliyatimni ham boshlamoqchiman. Bunda albatta partiya ko‘magiga tayanaman.
Tadbirda 5 nafar xotin-qiz partiya a’zoligiga qabul qilinib, korxonada partiyaning boshlang‘ich tashkiloti ochildi.
O‘zLiDeP Qoraqalpog‘iston
Respublikasi Kengashi
matbuot xizmati
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Kelajak avlodga munosib ish o‘rinini yaratish bugungi davr talabi
21.04.2024, 14:19
-
Tuman yoshlarining moliyaviy savodxonligi oshirildi
21.04.2024, 14:17
-
Sayxunobodlik yoshlarga biznesning sir-asrorlari o‘rgatildi
21.04.2024, 13:55
-
Chekka qishloqlarda yashovchi xotin-qizlar uchun tibbiy ko‘rik tashkil qilindi
21.04.2024, 13:51
-
Bu yilgi “Ishbilarmon ayol” ko‘rik-tanlovining saralash bosqichiga MFYlarda start berildi
21.04.2024, 13:49
Fikringizni qoldiring