O‘zLiDeP Quvasoy shahar Kengashi “A.Navoiy” MFYda sayyor qabul tashkil etdi.

Aholi bilan muloqot tarzida o‘tkazilgan uchrashuvda asosan, ishga joylashish, tadbirkorlik qilish uchun yer ajratish, kredit mablag‘i olish, elektr energiyasi, gaz, ichimlik suvi bilan ta’minlash kabi masalalarda murojaatlar kelib tushdi. 

 “A.Navoiy” mahalla fuqarolar yig‘inida yashovchi M.Mamatqulov onasi og‘ir dardga chalinganini, kasallik bo‘yicha jarrohlik amaliyoti o‘tkazilishi zarurligi va buning uchun bepul dori-darmon kerakligini aytdi. Ushbu masalada xalq deputatlari shahar Kengashidagi O‘zLiDeP deputatlik guruhi a’zolari tomonidan shahar tibbiyot birlashmasiga deputatlik so‘rovi yuborilishi rejalashtirildi.

Shu hududda yashovchi M.Xayitoxunov ko‘p yillar davomida 2-avtobazada ishlagan. Shu bois, unga 1995 yilda avtobaza tomonidan uy-joy berilgan. Biroq hujjatlarni sohtalashtirgan avtobaza direktori fuqaroga tegishli uydan uni chiqarib yubordi.

Sayyor qabulda so‘z olgan M.Hayitoxunov shu masalada mutasaddilardan ko‘mak so‘radi. Uning murojaati shu yerning o‘zida o‘rganib chiqilib, tegishli tashkilotlarga deputatlik so‘rovi yuborish orqali hal etiladigan bo‘ldi.

–To‘g‘risi, hududimizda tashkil etilgan sayyor qabuldan mahallamiz ahli xursand, – deydi “M.Ulug‘bek” MFY raisi Boqijon Holboyev. – Boisi, yuzma-yuz muloqot davomida asosan ichki yo‘llarni ta’mirlash, fuqarolarni toza ichimlik suvi bilan ta’minlash, tibbiy xizmat sifatini oshirish, bandlik masalalari yuzasidan aholining murojaatlari o‘rganildi. Asosiysi, har bir murojaat diqqat bilan tinglanib, aholi noroziligiga sabab bo‘lgan muammolarning aksariyati joyida o‘z yechimini topdi. 

Umuman, sayyor qabul davomida fuqarolardan tushgan murojaatlarning aksariyati hal etilib, muddat talab etadigan murojaatlar bo‘yicha mas’ullar biriktirildi.

 O‘zLiDeP Farg‘ona viloyat

Kengashi matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!