Kuni kecha O‘zLiDeP Andijon viloyati Kengashi Ayollar qanoti bo‘limi, Oltinko‘l tuman Kengashi Oltinko‘l tumani “Bo‘ston”, “Oq tepa” MFYda  yashovchi aholi muammosini o‘rgandi.  

“Oqtepa” MFYda 537 ta xonadon bo‘lib ularda 2893 aholi istiqomat qiladi. “Bo‘ston” MFYda esa 543 xonadonda 2976 ta aholi yashaydi.

–Tadbir davomida har bir tuman aholisini Yurtboshimiz tomonidan chiqarilayotgan Qaror va Farmonlari bilan tanishtirgan xolda ularni oilaviy tadbirkorlikka chorladik, – deydi Andijon viloyat Kengashi Ayollar qanoti bo‘limi mudiri Umida Isayeva. –Ba’zi bir xonadonlarda tadbirkorlik hamda fermerlik qilish imkoniyati mavjud bo‘lsada ular bu yo‘nalishda o‘quvlari yo‘qligi sababli ish boshlay olmayotganlarini aytishdi. Partiya xodimlari shunday oilalarga tadbirkorlik boshlash uchun maslaxatlar berdi va o‘z biznesini boshlashga moddiy imkoniyati bo‘lmagan fuqorolarga esa kredit olishda ko‘maklashadigan bo‘ldi.  

Shuningdek, muloqot jarayonida Ulug‘vor ko‘chasida ichimlik suv hamda tabiiy gaz ta’minoti yetishmasligi aniqlandi. Ushbu muammo bo‘yicha O‘zLiDeP Oltinko‘l tuman Kengashi raisi B.Azimov nomidan tegishli tashkilotlarga so‘rov yuborildi.

Umida Isayeva,

O‘zLiDeP Andijon viloyat

Kengashi bo‘lim mudiri

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!