O‘zLiDeP Toshkent shahar Kengashi va Chilonzor tuman Kengashi hamkorligida eng ulug‘, eng aziz bayram – mamlakatimiz mustaqilligining 27 yilligiga bag‘ishlab tashkil etilgan tadbir ana shunday nomlandi.

Unda Oliy Majlis Qonunchilik palatasidagi partiya fraksiyasi a’zolari, partiyaning shahar va tuman kengashi xodimlari, iqtidorli yoshlar, yosh tadbirkor va fermerlar, shuningdek, taniqli san’atkor, shoir hamda yozuvchilar ishtirok etdi.

Qayd etilganidek, mustaqillik tufayli mamlakatimiz yoshlari jamiyatda o‘z o‘rnini topib, ijtimoiy hayotning faol ishtirokchisiga aylanmoqda. Bugungi o‘zbek yoshlari nafaqat yurtimiz, balki xalqaro miqyosdagi madaniy-ma’rifiy, ilm-fan, sport yo‘nalishidagi nufuzli tadbirlarda qatnashib, yuksak marralarni zabt etmoqda.  

–Vatanimiz taraqqiyoti, dunyoning rivojlangan demokratik davlatlari qatoridan munosib o‘rin olishi ko‘p jihatdan unib-o‘sib kelayotgan yosh avlodning salohiyati, bilimga chanqoqligi va ilmu fan cho‘qqilarini o‘zlashtirishiga bog‘liq, – deydi O‘zLiDeP Chilonzor tuman Kengashi apparat rahbari Abdunabi Muxrimov. ­ – Shu bois, keyingi yillarda Prezidentimiz rahnamoligida yoshlar uchun barcha sharoit va keng imkoniyatlarni yaratib berish davlatimiz siyosatining ustuvor yo‘nalishlaridan biri etib belgilandi. Bu e’tiborning samarasini yoshlarimiz turli sohalarda erishayotgan yutuqlarda yaqqol ko‘rib turibmiz. 

Bayram tadbirida ishtirok etgan taniqli shoirlar, san’atkorlar va yosh iste’dod egalarining chiqishlari yig‘ilganlar kayfiyatiga bayramona rux bag‘ishladi.

O‘zLiDeP Toshkent shahar Kengashi

 matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!