Aktam Xaitov: “Tadbirkor va fermerlarning safini kengaytirish O‘zLiDePning asosiy maqsadlaridan biri bo‘lishi kerak”

25.08.2018, 21:10

Aktam Xaitov: “Tadbirkor va fermerlarning  safini kengaytirish  O‘zLiDePning asosiy maqsadlaridan biri bo‘lishi kerak”

O‘zLiDeP Siyosiy Kengashi Ijroiya qo‘mitasi raisi Aktam Xaitov tadbirkorlar, fermerlar faoliyati bilan yaqindan tanishish maqsadida Samarqand  tumanidagi “Istiqlol shu’lasi” ko‘p tarmoqli fermer xo‘jaligida bo‘ldi.

“Istiqlol shu’lasi” fermer xo‘jaligi  bog‘dochilikka( gilos, olma, uzum yetishtirishga) ixtisoslashgan. Xo‘jalik 2002 yildan buyon qishloq ho‘jaligi mahsulotlarini  yetishtirish va sotish bilan shug‘ullanadi. Fermer xo‘jaligi raisi B.Odilovning aytishicha, joriy yilda ular 80 ming dollarlik gilos mevalarini Rossiyaga eksport qilgan.  Tashrif jarayonida A.Xaitov O‘zbekiston Fermer, dehqon xo‘jaliklari va tomorqa yer egalari kengashi raisi sifatida xo‘jalik faoliyatiga ijobiy baho berdi. Shuningdek, O‘zLiDeP Siyosiy Kengashi Ijroiya qo‘mita raisi sifatida bu yerda tashkil etilgan BPT faoliyatini ham alohida e’tirof etdi.

Tashrif davomida tumandagi tadbirkorlar, ko‘p tarmoqli fermerlar rahbarlari hamda O‘zLiDeP Samarqand viloyat Kengashi faollari bilan uchrashuv tashkil  etildi.

Unda  Aktam Xaitov   so‘zga chiqib, partiya oldida turgan vazifalar,uning jamiyatdagi o‘rni va roli haqida gapirar ekan, aholining shart-sharoitlari bilan yaqindan tanishish, muammolarini o‘rgangan holda  tomorqalaridan samarali foydalanishga ko‘maklashish, ularni tadbirkorlikka jalb etish borasida zarur tavsiyalarni berib o‘tdi.

 Shuningdek, davlatimiz rahbari tomonidan tadbirkorlikni rivojlantirish borasida qabul qilingan «Obod qishloq», «Har bir oila- tadbirkor», «Yoshlar kelajagimiz» Davlat dasturlarini keng aholi o‘rtasida targ‘ib qilishda partiya tashabbuskorlikni qo‘lga olishi hamda amaliy natijalar orqali partiya a’zolari va  tarafdorlarini ko‘paytirish taklifini o‘rtaga tashladi.

- Bugungi kunda mamlakatimizda tadbirkor va fermerlarning  safini kengaytirish  O‘zLiDePning asosiy maqsadlaridan biri bo‘lishi kerak. Bu borada yoshlarni sohaga qiziqishlarini oshirish o‘ta muhim hisoblanadi. Shu bois maktablarda “Istiqlol shu’lasi” kabi namunali fermer xo‘jaliklari rahbarlari bilan yoshlar o‘rtasida uchrashuvlar tashkil qilishimiz lozim”, dedi A.Xaitov.

Bundan tashqari tadbirda, Prezidentimiz tomonidan qabul qilingan Qaror va Farmonlar hamda partiya dasturiy  maqsad va vazifalarini  aholi o‘rtasida targ‘ibotini ko‘chaytirish hamda O‘zbekiston fermer, dehqon xo‘jaliklari va tomorqa yer egalari  kengashlari bilan hamkorlikda  fermerlarning siyosiy bilimlarini oshirish maqsadida  tegishli tashkilotlarning mas’ul xodimlari ishtirokida maxsus o‘quv kurslari tashkil etishga kelishib olindi.

Baxtigul Qarshiyeva

O‘zLiDeP Samarqand viloyat

Kengashi matbuot kotibi

O‘zLiDePning Facebook hamda Instagram'dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    1171
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Даврон Темиров O‘zLiDeP Бўка туман Кенгаши ижрочи котиби2018-08-26 12:21:01

Мамлакатимизда O‘zLiDePнинг асосий электорати бўлган тадбиркор ва фермерларнинг сафини кенгайтириш партиямизнинг бош мақсадларидан биридир. Бу борада тадбиркорлик қилиш истагидаги фуқароларимизни айниқса ёшларисизни соҳага қизиқишларини ошириш давр талаби бўлмоқда. Шу боис мактабларда “Истиқлол шуъласи” каби тажрибали фермер хўжаликлари намунасида “илғор тажриба мактаблари”ни яратиш келажагимиз ютуқлари кафолати бўлади.


Исомов Акрам Жиззах вилоят Кенгаши2018-08-26 10:39:44

Жойларда фермер, деҳқон хўжаликлари ва томорқа ер эгалари кенгашлари билан ҳамкорликда “Истиқлол шуъласи” каби намунали фермер хўжаликлари ходимлари билан учрашувлар ташкил этиш ва ўзаро тажриба алмашишларини ташкил этиш лозим.


Акбар Якубов, Жиззах вилояти2018-08-26 09:42:55

“Истиқлол шуъласи” фермер хўжалиги раиси Б.Одиловнинг олиб бораётган ишларига ривож тилаймиз.


Рахманова Гульнара КР Тахтакупир туман Кенгаши 2018-08-26 09:37:39

Янги райсимиз фермерлар тилин жудаям яхши билиш ва тадбиркорликни куллаб кувватлаш борасидаги мул иажрибаси партиямизнинг ишлари янада ривожланишига партиямизнинг жамиятдаги фаоллигин оширишда кул келади. Партиядошларимизнинг Келгуси ишларида омадлар тийламиз


Мустафаев Бахтиёр ЎзЛиДеП аъзоси, Самарқанд шаҳри2018-08-26 09:36:45

“Истиқлол шуъласи” фермер хўжалиги раиси Бахтиёр Одилов каби ишбилармонларнинг сони кўпайишини хоҳлаймиз. Тадбиркоримизнинг келажакдаги ишларига муваффақиятлар тилайман.


Носирова Шоира Навоий вилояти Кармана туман Кенгаши депутати2018-08-26 07:16:12

Президентимиз томонидан қабул қилинган Қарор ва Фармонлар ҳамда партия дастурий мақсад ва вазифаларини аҳоли ўртасида тарғиботини кўчайтириш, томорқаларидан самарали фойдаланишга кўмаклашиш фуқороларни фаровон яшашини, сиёсий билимларини, фаолликларини ошишига ёрдам беради. .


Абдусатторов Фахриддин - O‘zLiDeP Сирдарё вилояти Кенгаши аппарат раҳбари2018-08-25 23:37:47

Ўзбекистон фермер, деҳқон хўжаликлари ва томорқа ер эгалари кенгашлари билан ҳамкорликда ҳар бир туманда мавжуд “Истиқлол шуъласи” каби намунали фермер хўжаликлари ва уларда ташкил этилган БПТ фаолиятини ибрат қилган ҳолда фермер хўжаликлари раҳбарларининг учрашувлари ва ўзаро тажриба алмашишларини ташкил этиш фермерлар фаолиятининг, шунингдек уларнинг сиёсий билимлари ҳамда фаолликларининг ошишини таъминлайди.


Тошкент шах.Ёшлик талабалар шахарчаси Кенгаши аппарат рахбари Н.Закирова2018-08-25 21:51:09

Хозирги кун талабига хос булган холда ахоли уртасида бундай муаммоли масалани жойида хал килиб тушунтириш ишларини олиб борилиши Актам Хаитов томонидан яхши натижа берадиган ва партиямиз сафини янада купайтирадиган ишлар олиб борилмокда.Биз хам уз навбатида ишларни жадал олиб бориш учун бор кучимизни аямаймиз.


Fikringizni qoldiring

+