Har bir inson baxtli yashashga haqli
05.09.2018, 12:15
Davlatimiz rahbarining 2018 yil 29 martdagi “Obod qishloq” dasturi to‘g‘risida”gi Farmoni maqsadi va ko‘lami jihatidan muhim ahamiyatga ega. Shu bois, hujjat qabul qilingan kundan boshlab Dastur doirasida qishloqdagi muammolar o‘rganilib, aholining yashashi uchun munosib turmush sharoiti yaratilyapti. E’tiborli jihati, bunday xayrli ishlarda davlat tashkilotlari qatori siyosiy partiyalar ham faol ishtirok etayotir.
Aytish joiz, O‘zLiDeP Siyosiy Kengashi Ijroiya qo‘mitasi tomonidan “Obod qishloq” dasturi doirasida “O‘zLiDePning obod ko‘chalari” aksiyasini e’lon qilgani bu boradagi ishlar samaradorligini yanada oshirdi. Shundan kelib chiqib, partiya Qoraqalpog‘iston Respublikasi Kengashi vakillari ham loyiha doirasida joylarda keng ko‘lamli obodonlashtirish ishlarini amalga oshirdi. Ayni chog‘da ham aksiya doirasida Ellikqal’a tumani “Aqchako‘l” OFYda tizimli ishlar olib borilmoqda.
–Ushbu ovul fuqarolar yig‘inida 37 ta xonadon bo‘lib, ularda 237 nafar aholi istiqomat qiladi, – deydi O‘zLiDeP Ellikqal’a tuman Kengashi apparat rahbari D.Sharipova. – Guvohi bo‘lganingizdek, qisqa vaqt ichida hududda keng ko‘lamli ishlar amalga oshirildi. Albatta, bu jarayonda partiyamiz faollari va tadbirkorlarimiz faol qatnashdi. Natijada uylarning kirish eshiklari va yo‘laklari qayta ta’mirlanib, ko‘chalarga gullar ekildi.
Ta’kidlash kerak, hududda ayni chog‘da ham uylarni ohaklash va buyash ishlari jadal olib borilmoqda. Ichimlik suv va tabiyiy gaz quvurlari yangidan qurilayotir.
O‘zLiDeP Qoraqalpog‘iston
Respublikasi Kengashi
matbuot xizmati
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Fikringizni qoldiring
O'xshash yangiliklar
-
Ishchi guruh vakillari ta’lim sohasida amalga oshirilayotgan ishlarni o‘rganmoqda
20.12.2023, 15:53
-
Qashqadaryoda oilaviy tadbirkorlar faoliyati o‘rganilmoqda
13.12.2023, 16:59
-
Davlat dasturining 67-maqsadi Hazoraspda qanday bajarilyapti?
23.11.2023, 18:03
-
Ishchi guruh vakillari IT sohasida belgilab berilgan vazifalar ijrosini muhokama qildi
14.11.2023, 16:47
-
Yutuqlar bor, muammolar ham yo‘q emas
13.11.2023, 16:53
Bildirilgan fikrlar
Рахманова Гульнара УзЛиДеП Тахтакупир туман Кенгаши ижрочи котиб 2018-09-05 18:13:21
O‘zLiDeP Сиёсий Кенгаши Ижроия қўмитаси томонидан “Обод қишлоқ” дастури доирасида “O‘zLiDePнинг обод кўчалари” акцияси эълон қилинганлиги, жойлардаги ишлар самарадорлигини янада оширганлигига гувох буляпмиз . Бу партиямиз ташаббуси халкимизнинг партиямизга ишончини оширади ва албатта этибордан роиз булади. Халкимизнинг розилигидан улуг нарса йук.