O‘zLiDeP faollaridan iborat ishchi guruh a’zolari Sirdaryo viloyati Boyovut tumanidagi “Laylakko‘l”, “Istiqlol” hamda Guliston tumanidagi “Xalqabod” va “Ozodlik” mahallalarida bo‘lib, aholi bilan uchrashdi.

Tashrif chog‘ida partiya faollari 100dan ortiq xonadonlarda bo‘lib, odamlarni qiynayotgan muammolarni o‘rgandi. Shuningdek, mamlakatimizda yangi qabul qilinayotgan qonunlar, Prezident farmon va qarorlari mazmun-mohiyati haqida aholiga atroflicha ma’lumotlar berdi.

– Keyingi yillarda yurtimizda yoshlarni tadbirkorlik faoliyatiga jalb qilish, yosh tadbirkorlarning istiqbolli g‘oyalari va loyihalarini ro‘yobga chiqarishga alohida e’tibor qaratilmoqda, – deydi O‘zLiDeP mas’ul xodimi S.Mahmudov. –Natijada yoshlar uchun ko‘plab ish o‘rinlari yaratilib, yigit-qizlarimiz bandligi ta’minlanyapti. Ayniqsa, “Har bir oila – tadbirkor” va “Yoshlar – kelajagimiz” dasturi doirasida yaratilayotgan qulayliklar bu borada muhim omil bo‘lmoqda.

Uchrashuv davomida ishbilarmonlik muhitini yaxshilash,  joylarda aholini tadbirkorlikka jalb qilish, yangi ish o‘rinlarini yaratish, o‘z mehnati bilan daromad topish istagida bo‘lgan fuqarolarga amaliy yordam ko‘rsatish bo‘yicha chora-tadbirlar dasturi ishlab chiqildi.

Elyor JO‘RAYEV,

O‘zLiDeP Surxondaryo viloyat

Kengashi matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!