O‘zLiDeP Siyosiy Kengashi Ijroiya qo‘mitasi va partiyaning viloyat Kengashi xodimlaridan iborat ishchi guruh Samarqand shahridagi “Lolazor” MFY aholici bilan muloqotlar o‘tkazdi.

Uchrashuvlar davomida hududdagi 46, 48 ko‘p qavatli uylarda yashovchi aholi tomonidan kommunal sohaga oid ko‘plab murojaatlar kelib tushdi.

Masalan, hududdagi 46 uy, 30 xonadonda yashovchi X.Xakimov uylarning tomi ta’mirtalab ekani, qish oylarida yuqori qavatlardan chakki o‘tishi, isitish tizimi esa umuman ishlamasligidan shikoyat qildi.

Boburmirzo 1-tor ko‘cha, 11 uyda yashovchi Mehriniso Esanova esa mahallada bolalar uchun futbol maydoni yo‘qligini aytib, shu masalada ko‘mak so‘radi.

–Mahallamizda bolalar uchun futbol maydoni qurib berilsa yaxshi bo‘lar edi. Boisi, hozir yoshlarimiz ko‘chada futbol o‘ynamoqda, bu esa mashinalar harakati uchun xavf tug‘diryapti, – dedi M.Esanova. Suhbat va muloqotlar davomida so‘z olgan mahalla faoli Muhabbat Yusupova keyingi yillarda shahar ko‘chalari kundan-kunga chiroy ochib borayotganini ta’kidlab, mahalladagi ichki yo‘llarni ta’mirlashda amaliy yordam so‘radi.

Har uchala masala yuzasidan xalq deputatlari Samarqand shahar kengashidagi partiya deputatlik guruhi tomonidan tegishli tashkilotlarga so‘rov yuborildi.

O‘zLiDeP Samarqand viloyat

Kengashi matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!