Hunarmandlik milliy qadriyatlarimizning ajralmas qismi. Ota-bobolarimizdan qolgan meros. Hunarmandlar tomonidan tayyorlanayotgan buyum va mahsulotlarga nafaqat ichki, balki tashqi bozorda ham talab ortmoqda. Prezidentimizning joriy yil 17 noyabrdagi “Hunarmandchilikni yanada rivojlantirish va hunarmandlarni har tomonlama qo‘llab-quvvatlash chora-tadbirlari to‘g‘risida”gi farmoni mazkur sohani yanada rivojlantirishga muhim omil bo‘lib xizmat qiladi.

O‘zLiDeP Surxondaryo viloyat va Termiz shahar Kengashi hamkorligida “Tashabbus – 2017” ko‘rik-tanlovi ishtirokchisi Xayrullo Jo‘rayev ustaxonasida tashkil etilgan davra suhbati bu fikrlar bot-bot takrorlandi.

– Kulolsozlik kishidan qunt, sabr-toqat va sinchkovlikni talab etadi, – deydi u. – Otameros kulolchilik sohasida 20 yildan buyon mehnat qilib kelaman. Bugungi kunda 30 turdan ortiq mahsulotlarni ishlab chiqaryapmiz. Xususan, sopoldan xumlar, ko‘zalar, gultuvaklar hamda loydan yasalgan milliy o‘yinchoqlarimiz, Al Hakim at-Termiziyning mahobatli maqbarasi aksi tasvirlangan laganlar sayyohlarda qiziqish uyg‘otmoqda. Prezidentimizning “Hunarmandchilikni yanada rivojlantirish va hunarmandlarni har tomonlama qo‘llab-quvvatlash chora-tadbirlari to‘g‘risida”gi farmonida biz kabi hunarmandlarning o‘z faoliyatlarini kengaytirishlari uchun imkon yaratadi. Farmonda belgilangan vazifalar hunarmandlar safini yanada kengaytirish va uyushmagan yoshlar bandligini ta’minlashda ham muhim ahamiyat kasb etadi.

Davra suhbati yakunida hunarmandlikka qiziqishi bo‘lgan yoshlar uchun master-klass tashkil etildi.

Zebiniso SAPAROVA,

O‘zLiDeP viloyat Kengashi Yoshlar

bilan ishlash bo‘limi mudiri

O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!