Tadbirkorlar va ishbilarmonlar harakati – O‘zbekiston liberal-demokratik partiyasining barcha Kengashlarida partiya ustavi, dasturiy maqsad va vazifalari hamda g‘oyalarini keng xalq ommasi o‘rtasida targ‘ib-tashviq qilish, partiya elektorati safini yanada kengaytirishda ko‘makdosh bo‘lib kelayotgan targ‘ibotchilar guruhi shakllantirilgan.

Mazkur guruh yaqinda Termiz tumanidagi Arxitektura va qurilish kasb-hunar kollejida o‘quv-seminar tashkil etdi. Tadbirda O’zLiDeP Siyosiy Kengashi Ijroiya qo‘mitasi va partiya Surxondaryo viloyat Kengashi xodimlari, mahalliy Kengashlarga O’zLiDePdan saylangan deputatlar hamda partiya faollari ishtirok etdi.   

– O‘quv-seminarda dastlab, mamlakatimizda olib borilayotgan ijtimoiy-iqtisodiy islohotlar jarayonida O’zLiDeP tomonidan amalga oshirilayotgan ishlar muhokama qilindi, – deydi O‘zLiDeP Termiz tuman Kengashi targ‘ibotchisi O‘g‘iloy Quvondiqova. – Xalqimiz turmush darajasini yanada oshirish maqsadida yechimini kutayotgan muammolar va ularni hal etish chora-tadbirlari muhokama etildi. Shuningdek, o‘quv-seminar davomida tag‘ibotchilarga partiya Ustavi va dasturida belgilangan maqsad va vazifalar, ko‘ppartiyaviylik sharoitida xalq ishonchini qozonishga alohida e’tibor qaratish kerakligi ta’kidlandi.

O‘quv yakunida muhokama etilgan masalalar bo‘yicha kelgusi vazifalar belgilab olindi.

Gulmira AMIROVA,

O‘zLiDeP Surxondaryo viloyat Kengashi

Siyosiy ta’lim markazi rahbari

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!