O‘zLiDeP Xorazm viloyat Kengashi tomonidan Urganch shahridagi 4-sonli umumiy o‘rta ta’lim maktabida tashkil etilgan ma’naviy-ma’rifiy tadbir ana shunday nomlandi.  

Qayd etilganidek, bugungi globallashuv jarayonida tinchlikni asrash, barqaror rivojlanishni ta’minlash insoniyat oldidagi mas’uliyatli vazifalardan biridir. Zero, tinchlik-osoyishtalik yo‘q joyda farovon turmush, taraqqiyot haqida o‘ylab ham bo‘lmaydi.

–Yoshlarni o‘z hayotiy pozitsiyaga ega bo‘lishlarini ta’minlash, ularda sog‘lom g‘oya, sog‘lom mafkuraviy immunitetni shakllantirish, turli yot g‘oyalar qurshoviga tushib qolmasliklari uchun jaholatga qarshi ma’rifat bilan tarbiyalash har birimizning burchimiz, – deydi O‘zLiDeP faoli, maktab direktori Sayyora Yusupova. – Bugun aynan partiya xodimlari, deputatlar bilan hamkorlikda har bir yoshni bilimli, e’tiborli va mas’uliyatli bo‘lishi, ertangi kuniga ishonch bilan harakat qilishi, yoshlarga yaratilayotgan sharoitlardan unumli foydalanishlari lozimligi haqida suhbatlashdik.

Tadbirda xalqimiz, ayniqsa, yoshlarimiz ongiga tahdid solishga harakat qilayotgan mazkur oqimlarning ta’siriga tushib qolmaslik uchun yoshlar bilan o‘tkazilayotgan bu kabi uchrashuvlar albatta o‘z samarasini berishi ta’kidlandi.  

Nilufar DJABBAROVA,

O‘zLiDeP Xorazm viloyat Kengashi

matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!