O‘zLiDeP To‘raqo‘rg‘on tuman Kengashi tomonidan tuman Tibbiyot birlashmasi qoshida faoliyat yuritayotgan quyi tuzilmada “Aholi salomatligini yanada yaxshilashda xususiy tibbiyot tashkilotlarining o‘rni” mavzuida davra suhbati tashkil etildi.

Tadbirda keyingi yillarda mamlakatimizda aholi, ayniqsa, xotin-qizlar va yoshlar salomatligini mustahkamalash, bu yo‘nalishda xususiy tibbiyot tashkilotlarini rivojlantirish borasida amalga oshirilayotgan izchil islohotlar yuksak samara berayotgani ta’kidlandi.

–Xalqimiz salomatligi biz shifokorlar qo‘lida, – deydi malakali shifokor Dilafro‘z Ortiqova. –Endilikda davolanish uchun Toshkentga yoki viloyat markaziga borishga xojat yo‘q. Boisi, ayni chog‘da tumanimizda 5 ta xususiy tibbiyot muassasasi faoliyat yurityapti.

Tadbirda so‘z olgan O‘zLiDeP faollari xususiy tibbiyot tashkilotlari va tibbiyot xizmatini yanada yaxshilash, bu borada elektorat vakillariga keng imkoniyatlar yaratish maqsadida partiya tomonidan amalga oshirilayotgan ishlar haqida to‘xtalib o‘tdilar.

Tadbir so‘nggida 22 nafar tibbiyot xodimlari partiya a’zoligiga qabul qilindi.

Yulduz YuLDASHEVA,

O‘zLiDeP Namangan viloyat Kengashi

matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!