O‘zLiDeP Qashqadaryo viloyat Kengashi siyosiy ta’lim markazi TATU Qarshi filialida liderlarning bilim va ko‘nikmalarini oshirishga qaratilgan seminar-trening tashkil etdi.

Unda partiya viloyat va Qarshi shahar Kengashi xodimlari, BPT raislari, xalq deputatlari viloyat Kengashidagi partiya deputatlik guruhi a’zolari, OAV vakillari hamda talaba-yoshlar qatnashdi.

–Seminar davomida Qarshi shahar va tuman Kengashlarida shakllantirilgan 20 nafar liderning notiqlik va auditoriyani boshqara olish ko‘nikmasini sinovdan o‘tkazdik, – deydi O‘zLiDeP viloyat Kengashi qoshidagi Siyosiy ta’lim markazi rahbari O.Mavlonov. – Ular endi o‘zlaridagi hayojonni bosib, fikrlarini ravon ifoda eta olishadi. Hozircha natija yomon emas. Lekin bu kabi tadbirlarni ko‘paytirish orqali liderlarning bilim va ko‘nikmasini yuksaltirib borishimiz darkor.  

Tadbirda “Yoshlar­ - kelajagimiz” va “Har bir oila – tadbirkor” Davlat dasturi hamda partiya dasturiy maqsad vazifalari haqida yoshlarga batafsil malumotlar berildi.

O‘zLiDeP Qashqadaryo viloyat

Kengashi matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!