O‘zLiDeP “G‘ijduvon” erkin iqtisodiy zonasi to‘la quvvat bilan ishlashiga ko‘maklashadi
26.09.2018, 10:32
O‘zLiDeP G‘ijduvon tuman Kengashida Prezidentimizning 2017 yil 12 yanvardagi “Urgut”, “G‘ijduvon”, “Qo‘qon” va “Hazorasp” erkin iqtisodiy zonalarini tashkil etish to‘g‘risida” gi Farmoni ijrosi bo‘yicha deputatlik guruhining navbatdagi eshituvi bo‘lib o‘tdi.
– “G‘ijduvon” erkin iqtisodiy zonasini tashkil etish uchun 67,5 gektar yer maydoni ajratilgan, – deydi erkin iqtisodiy zona direksiyasi direktori X.Jo‘rayev. – 80,8 million AQSh dollari qiymatiga ega bo‘lgan 28 ta loyiha bo‘yicha investitsion loyihalar erkin iqtisodiy zonalar ma’muriy Kengashining ishchi guruhiga taqdim etilgan.
Ta’kidlash kerak, Yurtboshimizning 2017 yil mart oyida Buxoro viloyatiga tashrifi davomida tumandagi sobiq ip yigiruv va poyafzal fabrikalari negizida “G‘ijduvon” erkin iqtisodiy zonasi tashkil etilgan edi.
Davra suhbatida O‘zLiDeP tuman Kengashi xodimlari va deputatlari loyihalarni o‘z muddatida ishga tushirishda partiyaviy vositalar orqali ko‘mak berishlari lozimligini ta’kidladi.
Shamshod Jafarov
O‘zLiDeP Buxoro viloyat
Kengashi matbuot kotibi
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Fikringizni qoldiring
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Bildirilgan fikrlar
М.Рахматова-Халқ депутатлари Ғиждувон туман Кенгаши депутати2018-09-27 15:16:51
Биз халқ депутатлари Ғиждувон туман Кенгаши депутатлари "Ғиждувон" эркин иқтисодий зонасида амалга оширилаётган лойиҳаларнинг тезда ишга тушиб аҳолимизни иш билан таъминлашдаги фаолиятини кўллаб-қувватлаймиз.
Ф.Шаропов-Иқтисодиёт ва ҳудудларни коплекс ривожлантириш Ғиждувон туман бўлими бошлиғи2018-09-26 18:12:44
Ўзбекистон Республикаси Президентининг 2017 йил 12 январдаги “Ургут”, “Ғиждувон”, “Қўқон” ва “Ҳазорасп” эркин иқтисодий зоналарини ташкил этиш тўғрисида” ги ПФ-4931 сонли Фармонининг ижросини туманда бажарилиши масаласининг O‘zLiDeP туман Кенгаши ташаббуси билан депутатлик гуруҳида бир неча бор кўриб чиқилганлиги “Ғиждувон” эркин иқтисодий зонасида амалга оширилаётган ишларга туртки бўлди.
Жўрабек Жўраев-“Ғиждувон” эркин иқтисодий зонаси бўлим мудири2018-09-26 18:03:25
“Ғиждувон” эркин иқтисодий зонасини ташкил этишда бизга елкадош бўлиб, лойиҳаларни амалга ошишида учраётган муаммоларни ҳал этилишида жонбозлик кўрсатиб келаётган O‘zLiDeP туман Кенгашига ва депутатларига миннатдорчилик билдираман.
Ш.Тоғаев-партия фаоли2018-09-26 17:56:32
Тадбиркорлар ва ишбилармонлар юрти бўлган Ғиждувонда эркин иқтисодий зонани ташкил этилилаётганлиги учун аввало Президентимизга ва партиямизнинг туман кенгаши фаолларига раҳматлар бўлсин.
Қ.Тошев-Ғиждувон тумани Соктари МФЙ БПТ раиси2018-09-26 17:53:03
Биз партия фаоллари “Ғиждувон” эркин иқтисодий зонасини тез фурсатларда ишга тушириш тарафдоримиз. Партиямиз юқори органлари томонидан шу масалада қандай кўрсатма ва топшириқлар бўлса бекаму-кўст бажаришга астойдил тайёрмиз.
Олимжан Умаров-Халқ депутатлари Ғиждувон туман Кенгаши депутати2018-09-26 17:47:19
Ш.Мирзиёевнинг эътиборлари билан аҳоли сони жиҳатидан кўп бўлган Ғиждувон туманида эркин иқтисодий зонанинг ташкил этилаётганлиги аҳолимизнинг чексиз қувончи бўлди. Айниқса йирик корхона ҳисобланган Ғиждувон ип-йигирув ва тўқув фабрикасининг ва пой афзал фабрикасининг қайта ишга туширилиши аҳолимиз руҳиятини янада оширди. Бунинг учун Президентимизга катта раҳмат.
Ш.Ғайбуллаев-Халқ депутатлари Ғиждувон туман Кенгаши депутати2018-09-26 17:36:47
Туманда эркин иқтисодий зонанинг ташкил этилиши туманимиз аҳолисининг турмуш-шароитини янада яхшилашга қаратилган катта имконият эканлигини ҳис этиб, бу ишда ўзимизни камарбаста деб биламиз
Ғ.Пўлотов-O‘zLiDeP Ғиждувон туман Кенгаши аппарати раҳбари2018-09-26 17:29:34
Муҳтарам Президентимиз Шавкат Миромонович Мирзиёевнинг 2017 йил 12 январдаги “Ургут”, “Ғиждувон”, “Қўқон” ва “Ҳазорасп” эркин иқтисодий зоналарини ташкил этиш тўғрисида” ги Фармонлари Ғиждувон тумани аҳолиси учун катта туҳфа бўлди десак хато қилмаймиз, чунки туманда ишлаб чиқаришни ривожлантириш, хорижий инвестицияларни киритиш, бўш иш ўринларини ташкил этиш бўйича катта қадам ташланганлиги билан аҳамиятлидир. O‘zLiDeP туман Кенгаши, депутатлик гуруҳи ва партиямиз фаоллари бу ишда ўзини масъул деб билиб иш жараёнларини тезда амалга ошишида жонбозлигини кўрсатади.