O‘zLiDeP Samarqand viloyat Kengashi tomonidan “Faol tadbirkor – ijodkor nigohida” tanlovining taqdimoti o‘tkazildi.

Unda viloyatdagi matbuot va ommaviy axborot vositalari xodimlari, jurnalistlar, yozuvchilar, tadbirkor va fermerlar qatnashdi.

Tadbirda so‘z olgan O‘zLiDeP Samarqand viloyat Kengashi apparat rahbari I.Botirov ishtirokchilarga tanlovni o‘tkazish tartibi va muddatlari haqida batafsil ma’lumot berdi.

–Mazkur tanlov nafaqat badiiy adabiyot va publitsistikada balki  teleobrazlar orqali faol tadbirkor qiyofasidagi zamonamiz qahramoni obrazini yaratish, mamlakatimiz ijodkorlarini ushbu muhim ishga rag‘batlantirish maqsadida tashkil qilindi, – deydi I.Botirov. – Shu ma’noda, tanlov Vatanimiz taqdiri va istiqboli uchun mas’uliyatni o‘z zimmasiga olishga qodir, zamonaviy va faol tadbirkorlar safini kengaytirishga xizmat qiladi.

Tadbirda so‘zga chiqqan jurnalistlar tanlovning adolatli va shaffof o‘tkazilishiga ishonch bildirdi.

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!