Fransiyada erishilgan kelishuvlar mamlakatimiz tadbirkorlari va ishbilarmonlari uchun ham katta imkoniyatlar yaratadi

10.10.2018, 20:20

Fransiyada erishilgan kelishuvlar mamlakatimiz tadbirkorlari va ishbilarmonlari uchun ham katta imkoniyatlar yaratadi

O‘zbekiston Respublikasi Prezidenti Shavkat Mirziyoyev Fransiya Respublikasi Prezidenti Emmanuel Makronning taklifiga binoan 8-9 oktabr kunlari rasmiy tashrif bilan ushbu mamlakatda bo‘ldi.

Prezidentimizning Fransiyaga davlat tashrifini biz partiya xodimlari ham katta qiziqish bilan kuzatdik. Uchrashuvda savdo-iqtisodiy, investitsiya, energetika, texnologiyalar, madaniy-gumanitar sohalarda hamkorlikni rivojlantirish masalalari keng muhokama qilindi. Savdo-iqtisodiy hamkorlik bo‘yicha O‘zbekiston – Fransiya hukumatlararo komissiyasi faoliyatiga ijobiy baho berildi. O‘zaro savdo hajmini ko‘paytirish, iqtisodiyotning turli sohalarida istiqbolli investitsiya loyihalarini amalga oshirish muhimligi qayd etildi.

O‘tgan yillarda Fransiyadan O‘zbekiston iqtisodiyotiga kiritilgan investitsiyalar hajmi qariyb 1 milliard dollarni tashkil etdi.

Muzokaralarda mamlakatlarimiz o‘rtasidagi o‘zaro savdo hajmi mavjud imkoniyat va salohiyatga mos emasligi ta’kidlandi. Shu munosabat bilan O‘zbekistonning tegishli vazirlik va idoralari tomonidan Yevropa tiklanish va taraqqiyot banki, “MYeDYeF” Fransiya tadbirkorlari harakati hamkorligida tashkil etilgan biznes-forumda Yevropaning ilg‘or tajribasi, bilimi va texnologiyalari asosida istiqbolli loyihalarni amalga oshirish bo‘yicha kelishuvlarga erishilgani katta mamnuniyat bilan qayd etildi.

Xususan, Fransiya taraqqiyot agentligi bilan umumiy qiymati 1 milliard yevroga yaqin infratuzilma loyihalarini amalga oshirish bo‘yicha hamkorlik dasturi imzolandi. Fransiyaning yetakchi “Natiksis”, “Kredi Agrikol” banklari va “BiPiAy” eksport-import agentligi bilan 1,5 milliard yevrolik qo‘shma loyihalarni moliyalashtirish to‘g‘risida bitimlar tuzildi.

Fransiyaning “Eyrbas”, “Total”, “Vinchi”, “Orano”, “Total Eren”, “Veoliya”, “Fivs Shteyn”, “Buig”, “Ranjis” va boshqa ko‘plab kompaniyalari bilan hamkorlikda loyihalar amalga oshirishga kelishib olindi.

Yurtboshimizning Fransiyaga tashrifi va hamkorlikdagi loyihalarning amalga oshirilishi O‘zLiDeP elektorati bo‘lgan tadbirkorlar va ishbilarmonlar uchun ham katta imkoniyatlar yaratadi.

To‘rabek NAZAROV,

O‘zLiDeP Toshkent shahar

Kengashi raisi

  • Ko'rildi
    463
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Шавкат Сафарбаев ЎзЛиДеП Хоразм вилоят Кенгаши раиси2018-10-15 10:22:37

Мухтарам юртбошимизнинг Францияга ташрифида эришилган келишувлар ҳеч шубҳасиз бизнинг партиямиз электоратлари бўлган мамлакатимиз тадбиркорлари ва ишбилармонлари учун бутун Европа мамлакатларида катта имкониятлар эшикларини очди десак янглишмаймиз. Сабаби Франция Европа Иттифоқининг асосий ташаббускорларидан биридир. Учрашувда савдо-иқтисодий, инвестиция, энергетика, технологиялар, ва бошқа кўплаб соҳаларда ҳамкорлик қилиш бўйича эришилган келишувлар албатта ватанимиз иқтисодиётини янада ривожлантиришга ва халқимиз фаровонлигини оширишга хизмат қилади.


Рахманова Гульнара УзЛиДеП Тахтакупир туман Кенгшаи ижрочи котиб 2018-10-12 09:19:26

Президентимиз Францияга давлат ташрифи давомида савдо-иқтисодий, инвестиция, энергетика, технологиялар, маданий-гуманитар соҳаларда ҳамкорликни ривожлантириш масалалари кенг муҳокама қилинди. Бу уз узидан тадбиркорликни янада ривожлантиришга асос булари сузсиз. Узбекистонимизнинг ривожланган давлатлар каторидан жой олиши хар биримиз учун мактанич албатта.


А.Ўрмонова Тошлоқ тумани Кенгаши аппарат рахбари2018-10-11 13:19:02

Ўзбекистон Республикаси Президенти Шавкат Мирзиёев Франция Республикаси Президенти Эммануэль Макроннинг таклифига биноан 8-9 октябрь кунлари расмий ташриф билан ушбу мамлакатда бўлди. Президентимизнинг Францияга давлат ташрифини биз партия ходимлари ҳам катта қизиқиш билан кузатдик. Учрашувда савдо-иқтисодий, инвестиция, энергетика, технологиялар, маданий-гуманитар соҳаларда ҳамкорликни ривожлантириш масалалари кенг муҳокама қилинди. Савдо-иқтисодий ҳамкорлик бўйича Ўзбекистон – Франция ҳукуматлараро комиссияси фаолиятига ижобий баҳо берилди. Ўзаро савдо ҳажмини кўпайтириш, иқтисодиётнинг турли соҳаларида истиқболли инвестиция лойиҳаларини амалга ошириш муҳимлиги қайд этилди.Юртбошимизнинг Францияга ташрифи ва ҳамкорликдаги лойиҳаларнинг амалга оширилиши O‘zLiDeP электорати бўлган тадбиркорлар ва ишбилармонлар учун ҳам катта имкониятлар яратади. Икки давлат ўртасидаги муносабатлар бардавом бўлсин.


Қ.Эшқораева Навоий вилояти, Учқудуқ тумани2018-10-11 10:59:37

Ҳаммамизга маълумки Ҳурматли Президентимиз томонидан амалга оширилаётган самарали ташқи сиёсатни бугун бутун жаҳон эътироф этмоқда. Бу ислоҳатларнинг туб замирида мамлакатимиз тақдири, Ватанимиз келажагини буюкликка қадами десак асло муболаға бўлмайди.


Fikringizni qoldiring

+