O‘zLiDeP “Ayollar qanoti” “Har bir oila – tadbirkor” dasturi targ‘ibotiga qaratilgan seminar tashkil etdi
19.10.2018, 17:13
Mustahkam oilalar saodatimiz sarchashmalaridir. Shu boisdan oila mustahkamligini ta’minlash maqsadida yurtimizda bir qancha ishlar amalga oshirilmoqda. Jumladan, Prezidentimizning “Har bir oila – tadbirkor” dasturini amalga oshirish to‘g‘risidagi qaroriga muvofiq joylarda bir qancha tadbirlar, davra suhbatlari bo‘lib o‘tayotgani fikrimizning dalilidir.
O‘zbekiston Liberal-demokratik partiyasi Zarafshon shahar bo‘limi ushbu muhim hujjat mazmun-mohiyatini aholi o‘rtasida keng targ‘ib qilish maqsadida davra suhbati uyushtirdi. Unda deputatlik guruhi a’zolari, partiyaning shahar bo‘limi xodimlari, “Ayollar qanoti”, BPT a’zolari hamda OAV xodimlari ishtirok etdi. Tadbirda qaror mohiyati va unda belgilangan ustuvor vazifalar, oilaviy tadbirkorlikni yo‘lga qo‘yish, faoliyatini kengaytirish harakatida yurgan ishbilarmonlarni qo‘llab-quvvatlash, joylarda bo‘sh turgan yer maydonlarini yangi tashkil qilingan oilaviy tadbirkorlik sub’ektlariga berish orqali aholi uchun qo‘shimcha ish o‘rinlari yaratish masalalari muhokama qilindi. Bu borada olinayotgan kreditlarni rasmiylashtirishda ortiqcha qog‘ozbozlik, byurokratiyaga yo‘l qo‘ymaslik haqida fikr bildirildi. Shuningdek, ushbu qarorni partiya a’zolari hamda aholi o‘rtasida kengroq targ‘ib qilish yuzasidan kerakli vazifalar belgilab olindi. Qaror ijrosini ta’minlashda esa ishbilarmonlik muhitini yaxshilash, tadbirkorlar uchun munosib sharoit yaratish, bu borada faoliyatini endi boshlayotgan yoshlarga yo‘l ko‘rsatish, ularni yaratilgan imkoniyat va imtiyozlardan xabardor qilish muhim vazifalardan biri ekanligi uqtirildi.
Yig‘ilganlar “Har bir oila – tadbirkor” dasturi bo‘yicha o‘zlarini qiziqtirgan savollarga javob olishdi.
M. PIRNAFASOVA,
O‘zLiDeP Navoiy viloyati
Kengashi matbuot kotibi
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Fikringizni qoldiring
O'xshash yangiliklar
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
-
Mahalladagi xotin-qizlarning muammo va takliflari o‘rganildi
01.03.2024, 22:01
-
Gulchi opa mahalla xotin-qizlariga o‘z tajribasini ommalashtirdi
24.02.2024, 12:22
Bildirilgan fikrlar
Рахманова Гульнара УзЛиДеП Тахтакупир туман Кенгаши ижрочи котиб 2018-10-20 07:56:40
Президентимизнинг “Ҳар бир оила – тадбиркор” дастурини амалга ошириш тўғрисидаги карори жойларга тугри таргибот килинганлиги дан бугунги кунда самарали ишлар гувохи булмокдамиз. Тадбиркорликни ривожлантиришда амалий ердамга хамиша таермиз.