O‘zLiDeP Andijon viloyat Kengashi tomonidan Andijon davlat universitetida bo‘lib o‘tgan davra suhbatida ayni taklif qo‘llab-quvvatlandi. “Yangi avlod kadrlari” loyihasi doirasidagi mazkur tadbirda oliygohning 100 nafarga yaqin talabasi ishtirok etdi.  

– Siyosiy elita vakillarining qiziqishlarimiz, intilishlarimiz bilan o‘rtoqlashishi, fikrlarimizni, takliflarimizni qo‘llab-quvvatlashlaridan kuch oldik, – deydi zaxira kadrlar ro‘yxatiga olingan ishtirokchi, universitetning fizika-matematika fakulteti talabasi Abbosbek Abduvohidov. – Partiyaga onlayn tarzda a’zolikni amalga oshirish taklifim ma’qul bo‘ldi. Tez fursatda bu bo‘yicha dastur tuzib, taqdim etaman.

Yangi rahbar kadrlar tayyorlash, ularning rahbarlik qobiliyatlarini shakllantirish, salohiyatlarini yuzaga chiqarish, bilim va ko‘nikmalarini amaliyotga tatbiq etishga ko‘maklashish maqsadida tashkil qilinayotgan bunday tadbirlar joylarda davom etmoqda.

Odinaxon Turg‘unova,

O‘zLiDeP Andijon viloyat

Kengashi tashkiliy-partiyaviy

ishlar bo‘limi mudiri

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!