O‘zLiDeP Siyosiy Kengashi Ijroiya qo‘mitasi raisi A.Xaitov Yangiariq tumanida joylashgan “Sayot avtomabilchi” mas’uliyati cheklangan jamiyati faoliyati bilan tanishdi. Ishchi-xodimlar bilan bo‘lgan uchrashuvidan keyin partiyamizga a’zo bo‘lish istagini bildirgan xodimlar taklifiga binoan, korxonada yangi boshlang‘ich partiya tashkiloti tuzildi.

Ta’kidlash kerak, korxonada yil oxirigacha echkichilik va zamonaviy issiqxonalar faoliyatini kengaytirish rejalashtirilgan edi. Tadbirkor yil boshida bergan va’dasining ustidan chiqdi.  

– Echki suti inson salomatligi uchun juda foydali, – deydi “Sayot avtomabilchi” korxonasi rahbari, Masharif aka Bekchanov. – Har bir zotdor echki kuniga 3 litrgacha sut beradi. Suti sigir sutiga qaraganda ham qimmat, ham foydali. Bunday zotdor echkilarni o‘zimizda ko‘paytirishni maqsad qilganmiz.

Uchrashuv so‘nggida ishtirokchilar va deputatlar 10 sotix yer maydonida tashkil etilgan yangi, zamonaviy tipdagi issiqxonaga pomidor ko‘chatlarini o‘tqazdilar.  

Nilufar  Djabbarova,

O‘zLiDeP Xorazm viloyat

Kengashi matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!