O‘zLiDeP tashkil topganining 15 yilligi munosabati bilan o‘tkazilayotgan  “Eng namunali boshlang‘ich partiya tashkiloti” tanlovining Bekobod shahar bosqichi bo‘lib o‘tdi.   

– Tanlovda 48 ta quyi bo‘g‘in ishtirok etdi, – deydi “O‘zmetkombinat” AJ qoshida faoliyat yuritayotgan tayanch tuzilma yetakchisi D.Xolmurodov. – Har bir BPT partiya dasturiy maqsad va vazifalari targ‘ibot qilgani hamda a’zolar safini kengaytirishda qo‘shgan hissasiga qarab, baholab borildi. To‘g‘risi, tanlovda g‘olib bo‘lamiz deb, sira ham o‘ylamagandik. Endi bildirilgan ishonchi oqlashga, partiyamizning jamiyatdagi mavqeini oshirishga astoydil harakat qilamiz.    

Ta’kidlash kerak, 2015 yilda “O‘zmetkombinat” qoshida O‘zLiDeP quyi bo‘g‘ini tuzilgan edi. Ayni chog‘da korxona ishchi-xodimlarining 365 nafari partiya a’zosi hisoblanadi.

D.BOLTAYEVA,

O‘zLiDeP Toshkent viloyat Kengashi

BPT bilan ishlash guruhi rahbari

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!