O‘zLiDeP tashkil topganining 15 yilligi oldidan tajribali tomorqachilar bilan uchrashyapti
02.11.2018, 12:06
O‘zLiDeP Samarqand viloyat Kengashi partiya tashkil topganining 15 yilligiga bag‘ishlab tadbirkorlik va tomarqachilikda katta yutuqlarga erishgan tajribali dehqonlar bilan uchrashyapti. Ana shunday tadbirlardan biri Kattaqo‘rg‘on tumani “Kichikko‘rpa” mahallasida bo‘lib o‘tdi. Tadbirda shu qishloqda yashovchi 80 yoshli Zubaydulla Mirzayev ham ishtirok etdi. Otaxon qariyb 65 yildan buyon dehqonchilik bilan shug‘ullanadi. Hozir u 12 sotix yerdan yiliga 100 mln. daromad olyapti..
– Tomorqamdan yiliga 4 marta hosil olaman, – deydi Zubaydulla ota.– Giloslarning hosilini ham qo‘shib hisoblasangiz, 5 marta. 12 sotix tomorqamga 5x5 oralig‘ida gilos ekkanman. Giloszor orasidagi maydonda yiliga 2 marotaba bodring, ikki marotaba rediska yetishtiraman. Boisi, tomorqada ishlash nafaqat daromad keltiradi, shu bilan birga ro‘zg‘oringizni obod qiladi.
To‘g‘risi, otaxonni ko‘rsangiz sira ham 80 yoshda deb o‘ylamaysiz. Chunki u kishi hozir ham mehnat qilishdan charchamaydi, nabiralariga dehqonchilikning sir-asrorlarini o‘rgatadi. Eng muhimi, maslahat so‘rab kelgan dehqonlardan ham yordamini ayamaydi.
“Kichikko‘rpa” qishlog‘ida yashovchi Manzura Xakimova ham dehqonchilik sirlarini Zubaydulla otadan o‘rgangan.
– “Kichikko‘rpa”liklar dehqonchilikda Zubaydulla otadan maslahat oladi, – deydi Manzura opa. – Biz ham ko‘p yillardan buyon tomorqada ishlab, yaxshi daromad olyapmiz. Shuning orqasidan uy-joy qildik, mashina oldik. Ochig‘i, bugun qishlog‘imizda xorijda ishlaydigan odamning o‘zi yo‘q. Hamma tomorqadan yaxshi daromad topyapti.
O‘zLiDePning tajribali tomarqachilar bilan uchrashuvlari viloyatning barcha tumanlarida davom etmoqda.
Baxtigul QARShIYEVA,
O‘zLiDeP Samarqand viloyat
Kengashi matbuot kotibi
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Namanganda “O‘zLiDeP – 15 yil xalq xizmatida” kitobi taqdimoti o‘tkazildi
21.12.2018, 11:30
-
Namanganda “O‘zLiDeP – 15 yil xalq xizmatida” kitobi taqdimoti bo‘lib o‘tdi
12.12.2018, 14:51
-
O‘zLiDeP – 15 yil xalq xizmatida
06.12.2018, 15:58
-
Fidoyilik va mas’uliyat partiya tashkiloti nufuzini oshiradi
19.11.2018, 16:45
-
Qoraqalpog‘istonning eng faol tumani, quyi bo‘g‘ini va deputati aniqlandi
19.11.2018, 16:41
Fikringizni qoldiring