O‘zLiDeP rahbari Bulung‘urdagi “Agro farovon zamin” MChJga xorijiy hamkorlar topishda ko‘maklashadi
05.11.2018, 16:37
O‘zLiDeP Siyosiy Kengashi Ijroiya qo‘mitasi raisi, O‘zbekiston fermer, dehqon xo‘jaliklari va tomorqa yer egalari Kengashi raisi vazifasini bajaruvchi Aktam Xaitov tadbirkor va ishbilarmonlar bilan muloqot qilish, ular faoliyati bilan yaqindan tanishish maqsadida Bulung‘ur tumanidagi “Agro farovon zamin” MChJga tashrif buyurdi.
Ta’kidlash kerak, joriy yilda ishga tushgan mazkur korxona asosan, meva-sabzavot mahsulotlarini qayta ishlash, quritishga ixtisoslashgan. Hozirda korxonada 60 nafar ishchi-xodim mehnat qilyapti.
–Mamlakatimizda tadbirkorlikka berilayotgan keng imkoniyatlardan samarali foydalanib, joriy yildan boshlab o‘z faoliyatimizni boshladik, – deydi “Agro farovon zamin” MChJ ta’sischisi Nodir Hamroyev. –Korxonamiz Belgiya va Turkiya davlatlaridan keltirilgan zamonaviy uskunalar bilan jihozlangan.
Tashrif chog‘ida O‘zLiDeP rahbari korxona faoliyati bilan tanishar ekan, tadbirkorni o‘ylantirayotgan muammolar bilan ham qiziqdi.
– Korxonamizning xomashyo tayyorlash, ya’ni meva va sabzavot yetishtirish uchun 115 gektar yer maydoni mavjud. Shuningdek, fermerlar bilan ham shartnoma imzolaganmiz. Lekin bir muammoyimiz bor, xom ashyo masalasida biroz qiynalyapmiz. Chunki korxonamiz asosan, eksportbop mahsulotlar tayyorlashga mo‘ljallangan. Hozirda Belgiya va Germaniya davlatlari bilan ham shartnoma imzolash arafasida turibmiz. Shu bois, xorijlik hamkorkorlar bilan aloqalarni yanada mustahkamlash uchun korxonamizni meva-sabzavotlar bilan ta’minlashda ko‘mak bersangiz.
O‘zLiDeP rahbari Aktam Xaitov O‘zbekiston fermer dehqon ho‘jaliklari va tomorqa yer egalari Kengashi rahbari sifatida kelajakda tomorqa xo‘jaliklarini rivojlantirish evaziga xomashyo borasidagi muammolarni ijobiy yechim topishga yordam berishini, shuningdek, yangi xorijiy hamkorlar topishda ko‘maklashishini aytdi.
Baxtigul QARShIYEVA,
O‘zLiDeP Samarqand viloyat
Kengashi matbuot kotibi
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Deputatlar mirzacho‘llik saylovchilar bilan uchrashdi
18.04.2024, 12:00
-
Yerlardan samarali foydalanish imkoni yaratilmoqda
13.03.2024, 21:50
-
Ishchi guruh Beruniy tumanida o‘rganishlar olib bordi
05.03.2024, 11:34
-
Ishchi guruh Xorazmda nazorat-tahlil tadbirlarini olib boryapti
29.02.2024, 11:04
-
Agrar sohada islohotlar izchil davom etadi
15.02.2024, 17:44
Fikringizni qoldiring