O‘zLiDeP Jizzax viloyat Kengashi partiya tashkil topganining 15 yilligi munosabati bilan “Xotin – qizlarning siyosiy faolligini kuchaytirishda O‘zLiDeP “Ayollar qanoti”ning roli” mavzuida amaliy seminar tashkil etdi.

Unda partiya viloyat Kengashi xodimlari, BPT raislari, tajribali tadbirkor ayollar, partiya “Ayollar qanoti” faollari hamda o‘z biznesini boshlamoqchi bo‘lgan yoshlar ishtirok etdi.

–Seminar davomida tadbirkor va fermer xotin-qizlar faoliyatida uchrayotgan muammolarni o‘rganish barobarida ularni ijobiy hal etishga ham alohida e’tibor qaratdik, – deydi O‘zLiDeP Jizzax viloyat Kengashi ayollar bilan ishlash bo‘lim mudiri Shoira Hasanova. – Chunki biz tadbirkor ayollarni har tomonlama qo‘llab-quvvatlab, ularni erkin va samarali faoliyat yuritishlarini ta’minlasak, ularning O’zLiDePga bo‘lgan ishonchi yanada ortadi. Eng muhimi, partiyamiz safida faol va tashabbuskor ayollarimiz soni ko‘payadi. 

Tadbir yakunida partiya g‘oyalarini targ‘ib qilgan eng faol xotin-qizlar partiyaning diplom va esdalik sovg‘alari bilan taqdirlandi.

                                                                 Saida UMARALIYEVA,

O‘zLiDeP Jizzax viloyat

Kengashi matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!