“Maqsadimiz – xalqni rozi qilish”, deyishmoqda chinozlik partiyadoshlarimiz

16.11.2018, 17:00

“Maqsadimiz – xalqni rozi qilish”,  deyishmoqda chinozlik partiyadoshlarimiz

O‘zLiDeP Toshkent viloyati Kengashi “Ayollar qanoti” Chinoz tumanidagi 1-sonli musiqa va san’at maktabida “O`zLiDeP – tadbirkor ayollar manfaatlari himoyachisi” mavzuida davra suhbati tashkil etdi.

Unda Xalq deputatlari tuman Kengashidagi O‘zLiDeP deputatlik guruhi a’zolari, partiya faollari, BPT raislari, tadbirkor va ishbilarmonlar xotin-qizlar hamda OAV vakillari ishtirok etdi.

Tadbirda so‘z olgan O‘zLiDeP Chinoz tuman Kengashi apparat rahbari Payzulla Tojiqulov yig‘ilganlarni partiyaning 15 yillik  bayrami bilan tabriklab, o‘tgan davr mobaynida partiya tomonidan amalga oshirilgan ishlar haqida to‘xtalib o‘tdi.

– Bugun ayollarimiz nafaqat uy bekasi, balki davlat va jamiyat boshqaruvining barcha sohalarda mehnat qilyapti, – deydi Xalq deputatlari Chinoz tuman Kengashidagi partiya deputatlik guruhi a’zosi Kamola Aytenova. – O‘zimdan qiyos. Men ham ko‘p yillardan buyon shu partiyaning a’zosi sifatida partiya maqsad-vazifalarini aholi orasiga keng targ‘ib qilib kelyapman. Eng muhimi, o‘tgan davr mobaynida “Ayollar qanoti” bilan birgalikda ulkan ishlarni amalga oshirdik. Maqsadimiz – odamlarni rozi qilishdan iborat.

Tadbir so‘nggida O‘zLiDeP Toshkent viloyat Kengashi tomonidan partiya faxriylariga tashakkurnoma va esdalik sovg‘alar topshirildi.

O‘zLiDeP Toshkent viloyat

Kengashi matbuot xizmati

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    439
  • Chop etish
  • Do'stlar bilan ulashish
← Orqaga qaytish

Fikringizni qoldiring

+