O‘zLiDeP quyi bo‘g‘ini qo‘rg‘ontepalik tadbirkorga 25 mln. so‘m imtiyozli kredit olib berdi
05.12.2018, 17:02
Muzaffar Yusupov 7 foizlik imtiyozli kredit olib, tadbirkorlikni yo‘lga qo‘ymoqchi edi. Yugur-yugurlardan charchab, ishonchi so‘na boshlaganda unga O‘zLiDeP Qo‘rg‘ontepa tuman Kengashi qoshidagi BPT hamda partiya viloyat Kengashi BPTlar bilan ishlash guruhi mutasaddilari suyanch bo‘ldi.
Partiya xodimlari M.Yusupovga maqsadlarini amalga oshirish uchun tijorat bankidan 25 million so‘m miqdorida imtiyozli kredit olishga ko‘maklashdi. Ayni kunda o‘z tadbirkorligini yo‘lga qo‘ygan O‘zLiDeP faoli o‘z mahallasidagi 3 nafar vaqtincha ishsiz yoshlarni ish bilan ta’minlagan.
O‘zLiDeP Andijon viloyat Kengashi tomonidan Qo‘rg‘ontepa tumanidagi “Oq suv” fermer xo‘jaligida tashkil etilgan “Konstitutsiya – huquqlarimiz himoyachisi” mavzusidagi tadbirda M.Yusupov singari partiya ko‘magi bilan tadbirkorligini yo‘lga qo‘ygan faollar, ishbilarmonlik muhitida o‘z o‘rnini topishga intilayotgan yoshlar ishtirok etdi.
–Tadbirkorlikni boshlashda, albatta, qonuniy asoslarga suyanish kerak, – deydi Muzaffar Yusupov. – Partiya bilan hamnafaslik ana shunday tadbirlarda yaqqol namoyon bo‘layotgani – yutug‘imizdir.
Tadbir yakunida ishtirokchilar tumandagi “Khantex Group” mas’uliyati cheklangan jamiyati faoliyati bilan tanishishdi.
Saidolim TO‘RAXO‘JAYEV,
O‘zLiDeP Andijon viloyat Kengashi
BPTlar bilan ishlash guruhi rahbari
O'xshash yangiliklar
-
Ta’lim sohasi vakillari partiya targ‘ibotida faol
09.04.2024, 20:15
-
“Bunyodkor tekstilda” quyi bo‘g‘in faoliyati jonlanmoqda
08.04.2024, 17:01
-
217 nafar partiya a’zosi bo‘lgan korxonadagi quyi bo‘g‘inning faoliyatiga baho berildi
05.04.2024, 12:57
-
Viloyat hokimi o‘rinbosarining hisoboti eshitildi
04.04.2024, 11:09
-
Buxorolik maslakdoshlarimiz safi tobora kengayib bormoqda
02.04.2024, 16:56
Fikringizni qoldiring