Bir hafta avval Qoraqalpog‘iston Respublikasi Chimboy tumanida joylashgan “Biznest invest Shimbay” MChJ rahbari K.Pirlepesov tomonidan O‘zLiDeP Siyosiy Kengashi Ijroiya qo‘mitasiga murojaat kelib tushgan edi. Unda tadbirkor faoliyatini kengaytirish uchun tijorat bankidan imtiyozli kredit olishda ko‘mak so‘ragani bayon qilingan.

– O‘zLiDePga minnatdorchilik bildiraman, – deydi “Biznest invest Shimbay” MChJ rahbari K.Pirlepesov. – Ularning tashabbusi bilan imtiyozli kredit olishga muvaffaq bo‘ldim. Endi faoliyatimni yanada kengaytirib, 20 ga yaqin ish o‘rni yarataman. Ishlab chiqaradigan mahsulotlarimizni nafaqat ichki, balki tashqi bozorga ham eksport qilish niyatidamiz.

Ta’kidlash kerak, O’zLiDeP Siyosiy Kengashi Ijroiya qo‘mitasi tadbirkorlarga nafaqat imtiyozli kreditlar olib berishda, balki mahalliy korxonalarga xorijdan xaridor va hamkorlar topishda ham faollik ko‘rsatmoqda. Bugungacha partiya sa’y-harakatlari bilan rossiyalik va mahalliy ishlab chiqaruvchilar o‘rtasida 10ga yaqin hamkorlik bitimlari tuzildi. 

O‘zLiDeP matbuot xizmati