“Qirg‘iz”da 70 dan ortiq xonadon issiqxonani daromad manbaiga aylantirgan
14.12.2018, 16:01
O‘zLiDeP Chiroqchi tuman Kengashi “Har bir oila – tadbirkor” Dasturi doirasida “Qirg‘iz” MFY hududidagi “Qirgiz” qishlog‘ida uchrashuv o‘tkazdi.
Uchrashuv davomida mahallada o‘z tomorqasida limon ekib daromad olayotgan 70 dan ziyod xonadon borligi aniqlandi. E’tiborlisi, aksariyat tomorqa egalari dastur doirasida imtiyozli kredit olib, limonchilikka qo‘l urishgan.
– O‘tgan yili 0,01 gektar yer maydoniga issiqxona tashkil etib, limon ko‘chati ekkan edik, – deydi shu mahallada yashovchi M.Murodova. –Hosil barakali bo‘ldi, yaxshi daromad oldik. Shu kunlarda “Har bir oila – tadbirkor” dasturi doirasida 17 mln. so‘mlik kredit olib, yana 0,03 gektar maydonga qo‘shimcha limon ko‘chatlari o‘tkazishni rejalashtiryapmiz.
– “Har bir oila – tadbirkor” Dasturida aholiga tijorat banklari tomonidan imtiyozli kreditlar taqdim etish bo‘yicha aniq, sodda va hayotiy normalar belgilangan, – deydi “Qirg‘iz” MFYning xotin-qizlar bo‘yicha mutaxassisi Zebo Jo‘rayeva. – Asosiysi, oilaviy tadbirkorlikni rivojlantirish bo‘yicha imtiyozli kreditni rasmiylashtirish uchun ortiqcha qog‘ozbozlik, yugur-yugurlar talab etilmaydi. Bu esa tadbirkorlar sonini oshirish va aholi bandligini ta’minlashda yaxshi samara bermoqda.
Ma’lumot uchun, bugungi kunda “Qirg‘iz” MFYda 2 ming 912 nafar aholi istiqomat qiladi. Ularning aksariyati tadbirkorlik bilan shug‘ullanib, oilasi daromadiga hissa qo‘shib kelayotir.
O‘zLiDeP Qashqadaryo viloyat
Kengashi matbuot xizmati
O'xshash yangiliklar
-
“Endi Rossiyaga borib ishlashga hojat qolmadi”, deydi mirzaobodlik yosh tadbirkor M.Mamajonova
14.05.2019, 16:14
-
Tomorqa – daromad manbai
10.05.2019, 16:06
-
Joriy yilda Kattaqo‘rg‘onda 95 nafar fuqaroga tadbirkorlik faoliyatini boshlashi uchun 2 mlrd. 369,5 mln so‘mlik kredit ajratildi
25.04.2019, 16:51
-
O‘zLiDeP sayxunobodlik 100 ish o‘rin yaratmoqchi bo‘lgan tadbirkorga 50 ta tikuv dastgohlari olib berishda ko‘maklashdi
18.04.2019, 17:35
-
Joriy yilda Samarqandda oilaviy tadbirkorlikni yanada rivojlantirish uchun 300 mlrd so‘m kredit mablag‘lari ajratiladi
08.04.2019, 18:40
Fikringizni qoldiring