Rahimjon Qodirov yelim paketlar ishlab chiqarib, oilaviy tadbirkorlikni yo‘lga qo‘yishni diliga tukkaniga ancha bo‘ldi. Hatto, shu maqsadda bankdan kredit olish uchun bir necha marotaba murojaat qildi. Lekin oradan ikki oy o‘tsa-da natijadan darak bo‘lmadi.

Shundan so‘ng, tadbirkor bu masalada O‘zLiDeP deputati Boburjon Qoraboyevga murojaat qildi. Deputat aralashuvidan so‘ng R.Qodirovga 21 mln. so‘m miqdorida imtiyozli kredit ajratiladigan bo‘ldi.

– Shahrimizda yana bir oila o‘z xonadonida tadbirkorligini boshlab, ish bilan band bo‘lgani bu bizning yutug‘imiz, – deydi B.Qorabayev. – Bugungi tinch farovon hayotimiz bundan-da yaxshilanishiga birgalikda, bir kuch bo‘lib harakat qilsak, vatanimiz taraqqiyoti yo‘lida xizmat qilgan bo‘lamiz.

Erkin AHMDHODJAYEV,

O‘zLiDeP Namangan viloyat Kengashi

BPT bilan ishlash guruh rahbari