O‘zLiDeP Kattaqo‘rg‘on shahar Kengashi hududdagi “Nokus” MFYda Prezidentimizning Oliy Majlisga qilgan Murojaatnomasi targ‘ibotiga bag‘ishlangan tadbir tashkil etdi.

Tadbirda so‘z olgan Xalq deputatlari Kattaqo‘rg‘on shahar Kengashidagi O‘zLiDeP deputatlik guruhi a’zosi Furqat Nadjimov Murojaatnomaning mazmun-mohiyati haqida yoshlarga batafsil ma’lumotlar berdi.

–Murojaatnomada yoshlar hayotiga doir ko‘plab dolzarb vazifalar belgilab berildi, – deydi  F.Nadjimov. – Ayniqsa, yosh avlod tarbiyasi, ularning teran aql-idrok, yuksak ma’naviyat sohibi bo‘lib kamol topishida siyosiy partiyalarning o‘rni, yoshlarni turli oqim va illatlar ta’siridan asrash borasida mas’uliyatini oshirish bo‘yicha bildirgan fikrlari juda o‘rinli bo‘ldi. Endi mazkur vazifalar ijrosini ta’minlashga jiddiy kirishish lozim. 

Tadbirda yoshlarga “Faol investitsiyalar va ijtimoiy rivojlanish yili” Davlat dasturi loyihasi haqida ham ma’lumotlar berildi, bu borada yoshlarning takliflari olindi.

O‘zLiDeP Samarqand viloyat kengashi

matbuot xizmati